Самы вялікі наш гонар – людзі працы! Менавіта яны пішуць гісторыю сваёй малой радзімы. Імі ганарылася краіна і ўручала высокія ўзнагароды. Дзякуючы ім наш раён і прадпрыемствы працвіталі.
Сёння на Шуміліншчыне пражываюць 8 ветэранаў працы, якія ў свой час былі ўзнагароджаны дзяржаўнымі ўзнагародамі за працоўныя заслугі. Вось яны, нашы героі: Міхаіл Максімавіч Рудоў з райцэнтра – уладальнік ордэнаў Кастрычніцкай Рэвалюцыі і Працоўнага Чырвонага Сцяга; Мікалай Антонавіч Варкулевіч з в. Бараноўскія – ордэна Працоўнага Чырвонага Сцяга і двух медалёў «За працоўныя заслугі». Валерый Аляксеевіч Грузневіч з в. Пабеда, Генадзь Аляксандравіч Ізепчанка з Сіроціна і Ефрасіння Іванаўна Казлоўская з Мішкавіч узнагароджаны ордэнам «Знак Пашаны». Высокай узнагароды – ордэна Працоўнага Чырвонага Сцяга – за працоўныя дасягненні былі ўдастоены Іван Ягоравіч Апоркін з Зямцоў і Яўген Іванавіч Сініцкі з Шуміліна. Ордэнамі Працоўнай Славы 2 і 3 ступені адзначана праца Каруннага Вячаслава Сцяпанавіча з Каравайніцы, вядомага ў свой час механізатара калгаса імя Леніна.
Напярэдадні дня ўтварэння Шумілінскага раёна кіраўніцтва наведала герояў, каб павіншаваць са святам, падзякаваць за працоўныя подзвігі, уручыць падарункі і паштоўкі.
«Вы ўпісалі сваё імя ў летапіс нашай малой радзімы, прынеслі ёй гонар і павагу, сваёй працай і талентам унеслі неацэнны ўклад у матэрыяльны і інтэлектуальны патэнцыял раёна. Дзякуй вам за працоўны подзвіг! Шчасця, здароўя і даўгалецця, міру і дабра», – такія шчырыя словы гучалі ў гэты дзень у іх адрас.
Присоединяйтесь к ОК, чтобы посмотреть больше фото, видео и найти новых друзей.
Нет комментариев