Предыдущая публикация
🔴 БАЛДАР БЕШ ТҮРДӨ БОЛОТ
❐ БИРИНЧИ ТҮРДӨГҮ балдар ата-энесин такыр укпайт, буйрук берсе аткарбайт. Булар ата-энесин нааразы кылгандар.
❐ ЭКИНЧИ ТҮРДӨГҮ балдар ата-энеси айтканды аткарат, бирок ичинен жактырбайт, аларды айла жоктон же коркконунан гана угат. Булар сооп-сыйлыктан куру калышкандар.
❐ ҮЧҮНЧҮ ТҮРДӨГҮ балдар ата-энесинин айтканын аткарат, бирок кылганын милдет кылат, жаман сөздөрдү айтып сүйлөнөт же аларга кыйкырат. Булар Аллахтын алдында күнөө алышат.
❐ ТӨРТҮНЧҮ ТҮРДӨГҮ балдар ата-энеси бир нерсе айтса же буйруса, аны жан-дили менен кубанып аткарат. Булар Аллахтын алдында көптөгөн соопторго жетишет.
❐ БЕШИНЧИ ТҮРДӨГҮ балдар ата-энеси каалаган нерсени айттырбастан аткарат, аларга кызмат кылса кубануу менен кылат. Мына ушулар Аллахтын жана ата-энесинин ыразылыгына жете тургандар. Мындайлар өтө аз.
Биринчи үч түрдөгүлөрү Аллахтын алдындагы сооптордон куру калышат, күнөө алышат. Ал эми акыркы экөөсүнө Аллах таала өмүрлөрүнө, ырыскыларына береке берет, иштерине ийгилик жана жашоолоруна жеңилдик берет. Мындай мүмкүнчүлүктү Аллах Өзү сүйгөн гана пенделерине берет.
Ата-энеге жакшы мамиле кылуу – балдардын ортосундагы кезектешип аткара турган кызмат эмес же мен мынча күн карадым, эми сени кара дей тургандай иш эмес. Ата-энеге кызмат кылуу – бул Аллахтын бизге берген эң чоң мүмкүнчүлүгү, бейишке карай ачып койгон эки эшиги. Ким алардын көзү тирүүсүндө жанын аябай кызмат кылса, алардын ыраазылыгын алса, анда акыретте Аллахтын ыраазылыгына жетет жана бейишке кирүүгө татыктуу болот.
ТИЛМЕЧ | Эрланбек Кушчубек уулу
💌 Маалыматты башкалар менен бөлүшүңүз
Следующая публикация
Комментарии 1