Предыдущая публикация
Воспоминание о событии 5 лет назад
Бәхетле картлык килсен !!!
Бер тугач,яшисе иде, мәңге үлмәслек итеп,
Беркем дә яшәүдән туймый, хәтта туксанга җитеп.
Якты дөньяда яшибез, тырышып,җир җимертеп,
Берәрсе рәхәт күргәнме,теге дөньяга китеп?
Әллә нинди хәсрәтләрне риза кеше үтәргә,
Яшәве авыр булса да, куркалар шул үләргә!
Хәзер бик күп акча кирәк,кеше үлгәч, күмәргә,
Туганнары гына күмсә, күп көч кирәк түгәргә...
Картлык килер миңа да бер , саулыгы белән килсен!
--Бәхет-шатлык алып килдем, сөенеп яшә!--дисен.
Шат елмаеп, йомшак кына минем күңелгә тисен,
Шулвакытны мин тоярмын чып-чынлап бәхет исен.
Чәчәген койган гөл кебек, hичкайчан сулмас идем,
Кайбер карт-корылар кебек акылны җуймас идем.
Биюдә дә,сөюдә дә мин кимен куймас идем,
Әллә ни яшькә җитсәм дә, яшәүдән туймас идем!!!
Рафаэль Хангәрәев. * К а з а н *
Следующая публикация
Нет комментариев