Бул аңгемени которуп жатып, мен да аттиң дедим, эхх эгер апам тирүү болгондо... Жашоо суунун шар аккан агымындай тез өтө турган нерсе экен , бүгүн апаңыз жаныңызда, акыл-насаатын айтып, кызым-уулум деп чачыңыздан сылап энелик сүйүүсүн, мээримин төгүп турса эртең эле апаңызды сагынып жашыңызды төгөсүз! Бул жашоонун мыйзамы, эч ким өзгөртө албаган көрүнүш...
Автобус толо эл. Баары эртелеп өз иштери менен алек.
- Дагы, бүгүн экинчи жолу чалышы деп сүйлөнүп, оу апа, дагы эмне?... Мен бурулуп үн чыккан жакты карадым. 25 жаштардагы кыз, бир колунда сумка, бир колу менен автобустун кармагычын кармап, телефонун кулагына далысы менен кысып жооп берип жатат. Апасына кыжырланып орой жооп берген кызды карап, мен бир кездеги өзүмдү көрдүм.
Аялдамада турган элем, скамейкада мен теңдүү келин ыйлап олтуруруптур телефонун колу менен сылап. Телефонун сындырып алып капабы,антейин десем жөнөкөй эле арзан телефон. Акыры чыдабай кайрылдым:
- Сизге эмне болду? Жардам керек эмеспи? Келин селт эте чоочуп.
- Кечиресиз, сыртта экенимди унутупмун, деп телефонун сылап дагы ыйлай баштады.
- Апамы сагындым...Апамын жоктугуна бир ай болду. Күндө эрте менен сегизде чалчу а мен кыжырланчумун, болоор -болбос мааниси жок сөздөрдү сүйлөчү, жылуу кийиндиңби? Тамактандыңбы? Мен жаш бала эмесмин го. Айрыкча дем алыш күндөрү уктап алайын десем анда да эртелеп чалчу. Апам эрте турат эле саат беште, сегизге чейин күтчү мени турсун деп анан чалчу...Эми апам жок күндө чалып турчу, мен өзүмдү жемелеп келем, эмнеге убагында ороңдочумун деп...
Мен телефонумду алып чыгып апама чалдым:
- Апаке, кайсы дарыны ал дедиңиз эле эстен чыгып атат. Чоң рахмат апа, кечинде чалам ээ? Өзүңүз да чалып туруңуз бат-баттан... Дарынын атын албетте билчүмүн... Мен эми апам чалса кыжырланбайм деп чечтим. Менин апам да бардык апалардай, эчак чоңоюп үй-бүлөө куруп, балалуу болсом да жаш баладай үйрөтүп турат. Небереме кола менен чипсы алып бербе зыянын билбейсиңби? Албетте мен билем зыянын андай нерселерди сатып бербейм. Аялдамадагы келин:- сиз азаматсыз деди, апаңызды көзү барында сыйлап калыңыз, мага окшоп өкүнбөй...
Жаштарга айтаарым: сиз канча чоңоюп өз алдынча болгонуңуз менен, ЭНЕ үчүн өмүр бою баласыз! Ал сизге дагы да керектигин сезүү үчүн, тынбай чалат, сиз билген нерсе болсо да акыл-насаатын айтат! Жылуу кийин, убакты тамактан - бул апалардын жакшы көргөн насааты... Күндө айта берсе да кыжырланбай угуңуз! Ошол сөздөрдү айтып жаткан апаңыз бар экенине ыраазы болуп, сүйүнүңүз!... Убакыт - учкан куш! Апаңызды көзү тирүүсүндө сыйлап, барктап алыңыз!...
Которгон: Елизабет.
Присоединяйтесь к ОК, чтобы посмотреть больше фото, видео и найти новых друзей.
Нет комментариев