Предыдущая публикация
ნუ მომპარავ ჩემს სიხარულს კიდევ ერთხელ,
ნუ დაამსხვრევ სიყვარულის სავსე საწმისს,
ნუ აჰყვები ამ მყოფადის ბოროტ წესებს,
ნუ შეხედავ თვით ბოგანოს,ზიზღის თვალით...
მყოფად დროის ჩვენ ისედაც ვართ მძევალნი,
გეყო,-ნუღარ გააგრძელებ შენს ავ საქმეს,
გზებს ნუ ხლართავ,მოიხადე შენი ვალი,
რომ ნაბიჯი შენი,-კეთილ კვალად დარჩეს...
მაპატიე თუკი რამე მიგანიშნე,
არასოდეს მიფიქრია შენი წყენა,
ქარი ატყდა და ბოროტად კვლავ გზებს მირევს,
გული თითქოს ამომგლიჯოს საგულედან...
ნუ გადგები განზე...მერე სიხარულით,
ერთად დავტკბეთ,-ერთი ცის ქვეშ ვიზეიმოთ,
პაწაწინა წუთისოფლით ჭირნახულნი,
იქნებ მივხვდეთ...დროა ერთურთს მივეფეროთ!...
დ.კ.05 09 2015წ
Присоединяйтесь к ОК, чтобы посмотреть больше фото, видео и найти новых друзей.
Нет комментариев