Предыдущая публикация
Гашура көне – нинди көн, аны ничек үткәрергә?
🍀 🍀 🍀
Мөбәрак Мөхәррәм аеның иң кадерле көне булып Гашүрә көне тора. Ул бүген, 15 июльдә, кояш баегач керә.
“Гашүрә көне дөнья яралтылу тарихында һәм пәйгамбәрләр тормышында мөһим вакыйгалар белән истәлекле. Мисал өчен, Мөхәррәм аеның унынчы көнендә сөекле рәсүлләребезгә җиңү һәм котылу бирелә. Бу көндә Аллаһ Раббыбыз Ибраһим галәйһисәламне уттан коткара, Юныс галәйһисәламне – дәү балыктан, Муса галәйһисәламне – фиргавен һәм аның гаскәреннән, Ягъкуб галәйһисәламгә исә Ул күрү сәләтен кайтара, Әюп галәйһисәламгә дә авырудан шифа бирә һәм башкалар.
Гашүрә көне уңаеннан мөселманнар ураза тота. Рәсүлебез Мөхәммәд салләллаһү гәләйһи үә сәлләм әйткән: “Гашүрә көнендәге ураза узган елның гөнаһларын гафу кылыр, дип өметләнәм” (“Сахих Мөслим”, №1162).
Мөхтәрәм дин кардәшләр! Аллаһ риазылыгы өчен ураза тоту сөннәт гамәл һәм Гашүрә көнендә иң хәерле гыйбадәт булып тора. Пәйгамбәребез Мөхәммәд салләллаһү гәләйһи үә сәлләм аны Гашүрәдән бер көн алдан һәм бер көн арттан тотарга чакырган. Раббыбыз безгә дин юлында күркәм гамәлләр кылырга көч һәм мөмкинлекләр бирсен иде!” – дип яза мөфти Камил хәзрәт Сәмигуллин.
Фото: Фәнүз Хәбибуллин
Автор:Фануз Хабибуллин
🍀 🍀 🍀 🍀 🍀 🍀 🍀 🍀 🍀 🍀 🍀 🍀 🍀
✅ Гашура көнендә:
❗ Бөек Раббыбыз бу дөньяны, Адәмне яраткан, нәкъ бу көнне Адәм тәүбәсе кабул ителгән;
❗ Нух көймәсе тауга килеп җитеп, андагы мөэминнәр туфаннан котылган;
❗ Бу көнне Ибраһим пәйгамбәр туган һәм мәҗүсиләрнең учагыннан коткарылган, Гайсә һәм Идрис пәйгамбәрләр күккә ашкан;
❗ Муса пәйгамбәр һәм аңа ияргәннәр Фиргавеннең эзәрлекләвеннән котылганнар, Фиргавенне шул көнне диңгез сулары йоткан;
❗ Юныс пәйгамбәр балык карыныннан исән-имин чыгып котылган;
❗ Әюб пәйгамбәр авыр чирдән савыккан;
❗ Озак елларга сузылган аерылышудан соң Ягъкуб улы Йосыф белән очрашкан;
❗ Йосыф зинданнан чыккан;
❗ Сөләйман пәйгамбәр патша булган.
Шулай итеп, догалар, теләкләр кабул ителгән һәм бик күп бәла-казалардан котылуга сәбәп булганы өчен, Гашура коне котлы вә шатлыклы бер көн булып исәпләнә. Аллаһы Тәгалә һәрбарчаларыбызга да шушы бөек көнне тиешенчә итеп уразалар тотып, догалар кылып үткәрергә, әҗер-савапларга ирешергә насыйп итсен!
🍀 🍀 🍀 🍀 🍀 🍀 🍀
✅ Гашура көне догасы
Гашура көнне нинди дога укырга соң? Бу изге көндә түбәндәге догаларны укырга киңәш ителә
✅ ГАШУРА ДОГАСЫ
Бисмилләһир-рахмәнир-рахим
Хәсбүнәл-лаһи вә нигъмәл-вәкиил, нигъмәл-мәүләә вә нигъмән-нәсыйр.
Сүбхәәнәл-лаһи мил’әл-мизәәни вә мунтәһәл-гыйлми вә мәбләгар рида вә зинәтәл-гаршә ләә мәлҗәә вә ләә мәнҗәә минәл-лаһи иллә иләйһи.
Сүбхәәнәл-лаһи гадәдәш-шәфгый вәл-вәтри вә гадәдә кәлимәәтиллаһи әт-тәәммәәти күллиһә. Әс әлүкә (нәс’әлүкә) әс-сәләәмәтә бирахмәтикә йә әрхәмәр-раахимин. Вә ләә хәүлә вә лә куввәтә иллә билләһил-галиййил-газыйм.
Вә һүә хәсби вә нигъмәл-вәкиилү вә нигъмәл-мәүләә вә нигъмәннәсыйру.
Вә салләллаһү галә сәййидинә Мухәммәдин хайри халькыйһи вә галәә әәлиһи үә сахбиһи әҗмәгыйн
Источник: https://tat.nur.tatar/gashura-kone-hem-moselman-ajlary
Следующая публикация
Нет комментариев