Кече авылларда авыл көннәре, авыл бәйрәмнәре үткәрү матур гадәткә әйләнеп бара. Шундый бәйрәмнең тагын берсе шимбә көнне Исәнсеф авылында узды.
Авыл көне итеп үткәрелгән бәйрәм авыл халкы һәм бүген чит шәһәр-районнарда яшәүчеләрнең финанс ярдәме белән үткәрелде. Бәйрәмне шушы авылдан туып-үскән, бүген Яр Чаллыда яшәүче яшь җырчы - гаилә Алия һәм Илнур Сәхбетдиновлар алып барды.
Бәйрәм чарасы Мөҗәһидан Мортазинның вәгазе белән башланып китте. Чарага җыелган кунакларны Исәнсеф авыл җирлеге башлыгы Иршат Салихов сәламләде һәм матур бәйрәм оештырулары өчен рәхмәт сүзләрен җиткерде.
Бәйрәм төрле кызыклы уеннар һәм бәйгеләр белән үрелеп барды. Алия һәм Илнур Сәхбетдиновлар үзләренең матур, дәртле җырларын бүләк иттеләр. Бәйрәмдә халык күп булды һәм бик теләп, матур ял итте.
📸 Фәридә Гайнетдинова репортажы: https://vk.com/album-78072920_303495079
Присоединяйтесь к ОК, чтобы посмотреть больше фото, видео и найти новых друзей.
Нет комментариев