Предыдущая публикация
ՎԵՐՋԻՆ ՀՆԱՐԱՎՈՐՈՒԹՅՈՒՆ
Ուրբաթ օրը՝ ժամը իննին մոտ, երեք մարդ ենթարկվում էին դաժան մահապատժի, որը ընդունված էր Հռոմեական կայսրությունում: Հռոմեացիները հանցագործներին մահապտժի էին ենթարկում ոչ թե էլեկտրական աթոռի վրա, այլ խաչի: Հանցագործների ձեռքերից և ոտքերից կապում էին խաչաձև տախտակներին, բարձրացնում գետնից վեր և թողնում կախված, որպեսզի շնչահեղձ լինեին ու մեռնեին: Դա դանդաղ և տանջալի մահ էր:
Երեքից երկուսը կողոպտիչներ էին: Նրանք ինչ-որ մեկին կողոպտել էին, բռնվել և այժմ դրա համար հատուցում էին իրենց կյանքով: Եթե նրանք նախապես իմանային, թե իրենց հանցագործության համար ինչ մահով էին մեռնելու, հավանաբար չէին համարձակվի այդ քայլին դիմել: Բայց այժմ արդեն ուշ էր:
Այս երկու կողոպտիչների միջև խաչված էր երրորդ մարդը: Նա ոչ ոքի չէր կողոպտել, հռոմեական ոչ մի օրենք չէր խախտել և անմեղ էր ճանաչվել: Սակայ Նա մեռնում էր հանցագործի մահով: Ո՞վ էր այդ մարդը և ինչի՞ համար էին Նրան խաչել: Նրա գլխավերևվում մի ցուցանակ էր կախված. Հիսուս՝ Հրյաների Թագավոր: Բայց ո՞ւմ էր հետաքրքիր Նրա անմեղությունը: Իհարկե, ոչ կողոպտիչներին: Գողգոթա բլրի վրայի անբոխը ծիծաղում էր Նրա վրա, և խաչից կախվածները, թև իրենք էլ նվաղում էին կիզիչ արևից, նույնպես սկսեցին Հիսուսին ծաղրել.«Եթե Դու Քրիստոսն ես, փրկիր՝ Քեզ և մեզ»: Երբեք մարդուն այդքան անիրավացի ատելություն, ծաղրանք և անարգանք բաժին չի հասել:
Հանկարծ ինչ-որ բա՜ն կատարվեց:
Կողոպտիչներից մեկն իր խոսքն ընդհատեց ու սկսեց երկրորդին նախատել.«Դու նույնիսկ չես վախենում Աստծո՞ւց, քանի որ նույն դատաստանի տակ ես: ԵՒ մենք՝ արդարացիորեն, որովհետև արժանաբար ստանում ենք այն բանի համար, ինչ գործեցինք, բայց այս մարդը ոչ մի անվայել բան չի արել: Այնուհետև, Հիսուսին դիմելով, նա ասաց.«Տե'ր,հիշի'ր ինձ, երբ Քո թագավորությունով գաս»:
Ի՞նչը կանգնեցրեց ավազակին: Ինչո՞ւ նա հանկարծ հավատաց մեռնող Հիսուսին՝ փխրուն, անմեղ մարդուն: Ինչ-որ մի անտեսանելի, բայց շատ իրական ուժ ներքուստ դիպավ նրան: Այդ Հիսուս մարդու մեջ անսովոր մի բան կար՝ Նրան մյուս մարդկանցից առանձնացնող. Նա Աստծու Որդին էր ու Նրա ներկայությունը խոր տպավորություն էր թողնում ավազակի վրա:
Այդ կողոպտիչը սկսեց Աստծու մասին խորհել: Երբ նա մտածում էր Աստծու մասին, սկսեց վախենալ Նրանից՝ հասկանալով, որ հենց այդ Աստծուց է կախված մարդու հավիտենական ճակատագիրը: Երբ մարդը մտածում է Աստծու մասին, նա մտածում է հավիտենության մասին: Այդ կողոպտիչը գիտեր, որ ինքը մեղավոր մարդ է, որովհետև կողոպուտով էր զբաղվում: Նրան Փրկիչ էր պետք, և նա գիտակցեց, որ իր Փրկիչը Տեր Հիսուսն է: Որոշելու ժամանակը եկել էր. կշարունակե՞ր արդյոք ծաղրել Նրան, թե՞ կհավատար Նրան: Դա վճռական պահ էր: Ողջ աշխարհի հետ ծիծաղելո՞ւ էր այդ փխրուն մարդու վրա, թե՞ բացվելու էր Նրա համար և հավատալու, որ Տեր Հիսուսը ճշմարտապես Աստծու Որդին է:
Իր կյանքի վերջին ժամին ավազակը ընտրություն կատարեց: Նա հավատաց Տեր Հիսուսին և ընդունեց Տիրոջ փրկությունը: Այդ օրը մեռնող ավազակը գտավ հրաշալի Փրկչին: Տերը Հիսուսը խաչի վրա նրան ասաց, որ այդ նույն օրը նա փրկվելու է.«Ճշմարիտ եմ քեզ ասում. այսօր Ինձ հետ դրախտում կլինես» (Ղուկասի Ավետարան 23:43):
ԵՒ այժմ, երբ կարդում եք այս տողերը, Տեր Հիսուսը կանգնած է ճիշտ ձեր առջև և դիպչում է ձեզ ներքուստ: Դուք գիտեք, որ Տեր Հիսուսը սովորական մարդ չէ, որ Նա Աստծու Որդին է, ՆԱ ԱՍՏՎԱԾ Է, և դուք իրավացի էք: Եթե այսօր հավատաք Նրան, ապա այդ կողոպտիչի պես կգտնեք փրկչին և Թագավորին, ով կների ձեր մեղքերը, ձեզ հավիտենական կյանք կտա և ձեզ Իր թագավորությունը կնդունի: Աղոթեք այս խոսքերով.
Տե՛ր Հիսուս,ես մեղավոր եմ: Ես քո կարիքը ունեմ: Շնորակալ եմ,որ Դու մեռար ինձ համար: Տեր Հիսուս,ներիր ինձ: Մաքրիր ինձ իմ մեղքերից: Ես հավատում եմ,որ Դու մեռելներից հարություն ես առել: Ես ընդունում եմ Քեզ` որպես իմ Փրկչի ու իմ կյանքի: Արի իմ մեջ: Լցրու ինձ Քո կյանքով: Տեր Հիսուս ես տրվում եմ Քեզ ,ես սիրում եմ Քեզ Տե՜ր Հիսուս: Տե՜ր Հիսուս:
Եթե այս խոսքերը հետաքրքրեց, կարող եք զանգահարել կամ գրել մեզ:
E-mail: gospelforkingdom@gmail.com Վահե (+374) 77165585
Գերասիմ (+374) 93853690
Ռիտա (+374) 77627497
Следующая публикация
Комментарии 1