Бошимни «ҳам» қилди бу дунё иши,
Ёнимда қолмади ҳеч битта киши,
Силламни қуритди қилган миш-миши,
Отам, онам сиз учун кулиб юрибман!!!
Бир чақа тополмай юрганимда ҳам,
Қарздан чиқолмайин қолганим алам,
Борлигиз мен учун бўлганди малҳам,
Отам, онам сиз учун кулиб юрибман!!!
Дарддан нолимадим, юравердим жим,
Ёшларим оққанда кўзимдан тим-тим,
Ҳолим сўрамади энг яқин дўстим,
Отам, онам сиз учун кулиб юрибман!!!
Ёр кетди қайтмасмуш қасамин ичиб,
Бор будим ўзига олибди ечиб,
Мен ҳам кетай дедим дунёдан кечиб,
Йўқ, йўқ дея сиз учун тирик яшабман.
Уйсиз қолганимда бўлдингиз хаста,
Жонингизга жоним қилдим пайваста,
Лек оёққа турдим мен аста-аста,
Отам, онам сиз дея билсам яшабман.
Лапасова Ш
Присоединяйтесь к ОК, чтобы посмотреть больше фото, видео и найти новых друзей.
Нет комментариев