Кун ботиб тонг отар, ҳамон сокинлик,
Тим қора булутлар қимир этмайди.
Шамолхам тинчиган атрофда жимлик,
Бироқ кунглим тўфонлари бир зум тинмайди.
Азоблар дилимни бетиним алам,
Ох чекар юрагим, ўртаниб мудом.
Ғам ин қуриб олган кўзларимда нам,
Не учун олис сиз, бағримдан шу-дам.
Эшигим олдида ястанган соғинч,
Хазонлар гул зорим босгандир ҳай-ҳот.
Кунглимга суратлар беролмас овунч,
Наҳот олисдасиз,
Йироқсиз наҳот.
Тўкаман дардимни тунлар рангига,
Аримас бўғзимдан ғамнинг ноласи.
Бир чора топмадим хижрон заҳрига,
Ундан қутилмоқнинг йўқдай чораси.
Эслайман-бўзлайман топмай изингиз,
Тентираб кезарман, бе'поён олам.
Ҳар гулу райҳонда сизнинг аксингиз,
Кўринар хамиша Жаннатий ОНАМ.
Жамол Али....
Присоединяйтесь к ОК, чтобы посмотреть больше фото, видео и найти новых друзей.
Комментарии 5