Умар ибн Хаттобдан р.а. ривоят қилинади. Расулуллоҳ с.а.в. : «Ипак либос кийманглар. Кимки уни дунё ҳаётида кийса, охиратда кия олмайди», дедилар. Имом Бухорий ва Муслим ривоятлари.
Умар ибн Хаттобдан р.а. ривоят қилинади. Расулуллоҳ с.а.в. : «Албатта, ипакни охиратдан насибаси йўқлар кияди», дедилар. Имом Бухорий ва Муслим ривоятлари.
Имом Бухорий ривоятларида: «охиратдан насибаси йўқлар кияди», бўлиб келган.
Анасдан р.а. ривоят қилинади. Расулуллоҳ с.а.в. : «Кимки шу дунёда ипак кийса, охиратда кия олмайди», дедилар. Имом Бухорий ва Муслим ривоятлари.
Алидан р.а. ривоят қилинади. Расулуллоҳ с.а.в. ипакни ушлаб, ўнг томонларига ва тиллани ушлаб, чап томонларига қўйдилар-да, кейин: «Албатта, бу иккови умматимнинг эркакларига ҳаромдир», дедилар. Абу Довуд ривоятлари.
Абу Мусо ал-Ашъарийдан р.а. ривоят қилинади. Расулуллоҳ с.а.в. : «Ипак кийим ва тилла умматимнинг эркакларига ҳаром, аёлларига эса ҳалол қилинди», дедилар. Имом Термизий ривоятлари.
Ҳузайфадан р.а. ривоят қилинади. Расулуллоҳ с.а.в. тилла ва кумуш идишларда бирор ичимлик ичишдан ва овқат тановул этишдан ҳамда ипак, кимхоб кийишдан ва унинг устида ўтиришдан ман қилдилар. Имом Бухорий ривоятлари.
Присоединяйтесь к ОК, чтобы посмотреть больше фото, видео и найти новых друзей.
Нет комментариев