.
_______________
.
Тўқсон олти оятдан ташкил топган бу сура Маккада нозил бўлган.
.
Бу сурада Қиёмат қойим бўлиши ва ўша пайтда рўй берадиган даҳшатли воқеа-ҳодисалар ҳамда у Кунда кишилар уч тоифага бўлиниб қолишлари ҳақида хабар берилади ва сура давомида ҳар бир тоифанинг топажак оқибатлари баён қилинади. Шунинг учун ҳам у «Воқеа»— «Воқеъ бўлгувчи» (Қиёмат) деб номлангандир.
.
Шунингдек, бу сурада дўзах даҳшатлари ва жаннат манзаралари батафсил тасвирланади ҳамда охират ҳаётини инкор этгувчи кимсаларга ҳеч рад қилиб бўлмайдиган ҳужжатлар билан жавоб берилади.
.
Сура хотимасида юқорида зикр қилинган ҳар бир хабар аниқ ҳақиқат эканлиги яна бир бор таъкидланиб, барча мўмин-мусулмонларни Улуғ Парвардигор номини поклаб-тасбеҳ айтишга амр этилади.
Меҳрибон ва раҳмли Аллоҳ номи билан (бошлайман).
1-2. Қачон Воқеа — Қиёмат воқеъ бўлса, у воқеъ бўлган чоғда бирон ёлғон сўзлагувчи бўлмас.
И з о ҳ . Яъни, аниқ тушгувчи бўлган Қиёмат соати келганида, ҳаёти дунёда Аллоҳ таоло шаънига ёлғон тўқиб юрган кимсалардан биронтаси ёлғон сўзлай олмай қолади.
3-4-5-6-7. Ер (қаттиқ) ларзага келган, тоғлар титилиб, чанг-тўзонга айланган ва сизлар уч синф-тоифа бўлиб қолган чоғда (Қиёмат кофирларни дўзахга дучор этиш билан) паст қилгувчи, (мўминларни эса жаннатга киритиш билан) баланд қилгувчидир.
И з о ҳ. Яъни, бу дунёда нафслари истаган хирсу ҳавасларга муккадан кетиб, мол-давлат ва салтанатлари билан ҳаволаниб юрган динсиз-иймонсиз кимсаларни Қиёмат энг тубан дўзахга ташлаш билан паст қилиб қўяр, аммо бу ҳаёти дунёда мудом рўй бериб турадиган зулму ситам ва ҳақсизлик азобидан эзилиб юрсалар-да, ўз иймон-эътиқодларида устивор бўлган мўмин-мусулмонларни эса жаннатлардаги баланд мақомларга кўтарур.
Энди юқорида зикр қилинган уч тоифа кимлар эканлиги баён этилади.
8. Бас, (у уч тоифадан биринчиси) ўнг томон эгаларидир. Ўнг томон эгалари (бўлмоқ) не (саодат)дир!
9. (Иккинчи тоифа) шум-чап томон эгаларидир. Шум-чап томон эгалари (бўлмоқ) не (бахтсизлик)дир!
И з о ҳ . Ўнг томон эгалари ҳаёти - дунёдан иймон-эътиқод билан ўтганлари сабабли Қиёмат кунида номаи-аъмоллари ўнг томонларидан берилиб, жаннат неъматларига сазовор бўлган саодатманд кишилардир. Чап томон эгалари эса ҳаёти дунёдан куфру исён билан ўтганлари сабабли Қиёмат кунида номаи-аъмоллари чап томонларидан берилиб, дўзахга гирифтор бўлган бадбахт кимсалардир.
10. (Учинчи тоифа бўлмиш барча яхши амалларга) пешқадам бўлгувчи зотлар (жаннат неъматларига эришишида ҳам) пешқадам бўлгувчи зотлардир!
11-12. Ана ўшалар ноз-неъмат боғларида (Аллоҳ таолога) яқин қилингувчилардир.
13-14. (У пешқадамлар) аввалги (уммат)лардан кўпчилик, кейингилардан (яъни Муҳаммад алайҳис-салом умматларидан) эса оздир.
И з о ҳ. Яъни, Одам алайҳис-саломдан тортиб, то Муҳаммад алайҳис-саломгача, ўтган барча пайғамбарларга иймон келтирган ва уларнинг ёнларида туриб Аллоҳ таоло буюрган динга даъват қилишда ёрдамчи бўлган аввалги умматлар орасидаги пешқадам зотларнинг саноқларига нисбатан Муҳаммад алайҳис-салом умматлари ўртасидаги пешқадам зотларнинг сонлари оздир.
15-16. (Улар олтиндан) тўқилган сўриларда ястанган ҳолларида бир-бирларига рўбарў бўлиб (ўлтирурлар).
17-18. Устларида эса мангу ёш (яъни ҳеч қаримайдиган) болалар оқар чашмадан (майли) қадаҳларни, кўзаларни ва косаларни айлантириб турурлар.
19. У (май)лардан уларнинг бошлари ҳам оғримас, маст ҳам бўлмаслар.
20-21. Яна ўзлари танлаб оладиган мева-чева ҳамда иштаҳалари тортган қуш гўштлари ҳам (айлантириб турилур).
22-23. Яна (улар учун) худди яшириб қўйилган марварид мисол оҳу кўз ҳурлар бордир.
24. (Бу) улар (ҳаёти дунёда) қилиб ўтган амалларининг мукофотидир.
25-26. Улар у жойда бирон беҳуда ва гуноҳ-ёлғон (сўз)ни эшитмаслар, фақат «Салом-салом», дейилганинигина (эшитурлар).
27. Ўнг томон эгалари... Ўнг томон эгалари (бўлмоқ) не (саодат)дир!
28. (Улар) тикансиз бутазорларда.
29. Тизилган бананзорларда.
30. Ёйилган соя (ости)да.
31. Оқизиб қўйилган сув (усти)да.
32-33. Тугаб қолмайдиган ва манъ этилмайдиган кўпдан-кўп (турли туман) мева-чева (ости)да.
34. Баланд кўтарилган кўрпачалар (усти)дадирлар.
35. Дарвоқеъ, Биз уларни (оху кўз ҳурларни) дафъатан пайдо қилдик (яъни улар онадан туғилмадилар, балки Аллоҳнинг қудрати билан дафъатан пайдо бўлдилар).
36-37-38. Сўнг уларни ўнг томон эгалари учун (ёшда ҳам, ҳусну жамол ва қадду қоматда ҳам) бири-бирига тенг, эҳтиросли бокира қизлар қилиб қўйдик.
39-40. (Ўнг томон эгалари бўлмиш саодатманд кишилар) аввалги (уммат)лардан ҳам кўпчилик, кейингилардан (яъни Муҳаммад алайҳис-салом умматларидан) ҳам кўпчилиқдир.
41. Чап томон эгалари... Чап томон эгалари (бўлмоқ) не (бахтсизлик)дир!
42. (Улар дўзахдан тинимсиз эсиб турадиган, баданларни илма-тешик қилиб юборувчи) Самум (шамоли) ва қайноқ сув ичида;
43-44. Bа на салқин, на фойдали бўлмаган қора тутундан иборат «соя» (ости)дадирлар.
45. Дарвоқеъ улар бундан илгари (яъни ҳаёти дунёда ҳирсу хавасга муккадан кетган) боёнлар эдилар.
46. Улар улуғ гуноҳ (яъни ширк) устида оёқ тираб турар эдилар.
47-48. Ва: «Бизлар ўлиб, тупроқ ва суякларга айлангач, ростдан хам қайта тирилгувчимизми, аввалги ота-боболаримиз ҳам-а?!» деб (масхара қилар) эдилар.
49-50. (Эй Муҳаммад, сиз уларга) айтинг: «Албатта аввалгилар ҳам, кейингилар хам маълум Кундаги белгиланган вақтга шак-шубхасиз тўплангувчидирлар.
51. Сўнгра албатта сизлар, эй (қайта тирилишни) ёлғон дегувчи гумрохлар,
52-53. Шак-шубҳасиз (жаҳаннамнинг ўртасида ўсадиган) Заққум дарахтидан егувчи – ундан қоринларингизни тўлдиргувчидирсизлар.
54-55. Сўнг унинг устига қайноқ сувдан ичгувчи, (ичганда хам) ташна-тўймас туялар каби ичгувчидирсизлар!
56. Мана шу уларнинг жазо (қиёмат) Кунидаги “зиёфатларидир”!
57. (Эй инсонлар), сизларни Биз Ўзимиз яратдик-ку! Энди сизлар (охиратда яна қайта яратишга қодир эканлигимизни) тасдиқ этмайсизларми?!
И з о ҳ. Яъни, йўқдан бор қилишга қодир бўлган зот қайта яратишга ҳам шак-шубҳасиз қодирдир. Энди қуйидаги оятларда Тангри таоло Ўзининг қайта яратишга қодир эканлигига тўрт нарсани, яъни инсонни яратганини, наботот (экин-ўсимликлар)ни яратганини, сувни яратганини ва ўт-оловни яратганини далил қилиб келтиради.
58. Сизлар (хотинларингизнинг бачадонига) тўкадиган маний-уруғ ҳақида ҳеч ўйлаб кўрдингларми?
59. Уни сизлар (комил инсон қилиб) яратурмисизлар ёки Биз яратгувчимизми?.
И з о ҳ. Дарҳақиқат, бу инсон кўз ўнгида доимо такрорланиб турганлиги сабабли эътибор берилмайдиган буюк бир мўъжизадир: наҳотки киши баданидан ажралиб чиқиб турадиган тер, кўз ёши каби бўлган бир томчи сувдан – манийдан – озгина муддат ўтгач, ўз-ўзидан эркак ё аёл жинсига мансуб, эшитгувчи, кўргувчи бир инсон пайдо бўлиб қолса. Тасаввур ҳам қилиб бўлмайдиган бу иш қандай содир бўлди? Ахир бу инсон ўзининг суяклари, гўшти ва териси билан томирлари-ю, тук ва тирноқлари билан ҳамда фақат ўзигагина хос бўлган хулқи-табиати билан қаерга яшириниб олган эди?! Қайси бир доно одам бир томчи сув ўз-ўзидан мана шундай инсонга айланган дея олади? Ҳеч ким! Чунки маний она бачадонига тушиши биланоқ эр-хотиннинг иш-амали битган: улар ўша бир томчи сувдан ҳомила пайдо бўладими-йўқми билишга қодир эмаслар, энди бу ёғи ёлғиз Яратганнинг хоҳишига ҳавола. Агар У зот хоҳласа, Ўз қудрати билан бир хил хужайрадан иборат бўлган ўша манийдан инсоннинг жамийки аъзоларининг ҳар бири ўзига хос бўлган минг-минглаб ҳужайраларини пайдо қилади ва ҳар бир аъзонинг ҳужайрасига ўз вазифасини пайдо қилади ва унга жон киритади... Дарҳақиқат, бу илоҳий мўъжизада ақл юритгувчи кишилар учун етарли ибрат бордир.
60-61. Сизларнинг ўртангиздаги ўлимни ҳам Биз белгилаб қўйгандирмиз (яъни сизларга ҳаётни ҳам, ўлимни ҳам Биз берурмиз). Ва Биз (сизларни вафот топдириб, ўрнингларга) сизларга ўхшаганларни алмаштириб қўйишга ҳамда сизларни ўзларингиз билмайдиган ҳолат-суратда қайта пайдо қилишга ҳам ожиз эмасдирмиз.
62. Дарвоқеъ сизлар дастлабки пайдо бўлишларингиз (қандай бўлгани)ни билдинглар-ку! Бас, эслатма-ибрат олмайсизларми?!
63. Сизлар экаётган зироатларингиз ҳақида ҳеч ўйлаб кўрдингларми?
64. Уни сизлар ундириб-ўстирурмисизлар ёки Биз ундиргувчимизми?!
65. Агар Биз хохласак, албатта уни қуруқ чўп қилиб қўйган бўлур эдик, бас, сизлар ажабланган ҳолларингизда.
66. «Шак-шубҳасиз бизлар зиён кўргувчилармиз.
67. Йўқ, бизлар (барча ризқу-рўздан) маҳрум бўлгувчилармиз», (деб надомат қилиб қолган бўлур эдингазлар).
68. Сизлар ўзларингиз ичадиган сув ҳақида ҳеч ўйлаб кўрдингларми?
69. Уни булутлардан сизлар ёғдирдингларми ёки Биз ёғдиргувчимизми?!
70. Агар Биз хохласак, уни шўр қилиб қўйган бўлур эдик. Бас, шукр қилмайсизларми?!
71. Сизлар ёқадиган ўт-олов ҳақида ҳеч ўйлаб кўрдингларми?
72. Унинг дарахтини сизлар пайдо қилдингларми ёки Биз пайдо қилгувчимизми?!
73. Биз уни (жаҳаннам ўтидан) бир эслатма ва (саҳроларда юрадиган) мусофир-йўловчилар учун фойдаланадиган нарса қилиб қўйдик.
74. Бас, (эй Муҳаммад), улуғ Парвардигорингизнинг номини (ҳар қандай айб-нуқсондан) поклаб-тасбеҳ айтинг!
75-76-77-78. Мен юлдузларнинг ботар жойларига қасам ичурманки, Ҳолбуки бу (қасам) агар билсангизлар шак-шубҳасиз улуғ-катта қасамдир – албатта у (Қуръон сеҳр ёки уйдирма эмас, балки) асралган Китобдаги (Лавҳул-Маҳфуздаги) Улуғ Қуръондир!
79. Уни фақат таҳоратли – пок кишиларгина ушларлар.
80. (У) барча оламлар Парвардигори томонидан нозил қилингандир.
81. Бас (эй кофирлар), сизлар мана шу Сўз — Қуръонга бепарволик қилурмисизлар (яъни сизлар шундай улуғ Китобни назарларингизга илмасдан инкор қилмоқдасизларми)?!
82. Ва сизлар (Қуръонни) ёлғон дейиш(дек бадбахтлик)ни ўзларингизнинг ризқ-насибаларингиз қилиб олурсизларми?!
83-84-85-86-87. Бас, қачон (вафот қилаётган кишининг жони) халқумига етганида — холбуки ўша вақтда сизлар қараб турурсизлар ва Биз унга сизлардан кўра яқинроқ булурмиз, лекин сизлар (буни) курмайсизлар (билмайсизлар) Бас, агар сизлар эгасиз бўлсангизлар, (ва ўзларингизнинг: «Ҳеч қандай эга — Парвардигор ҳам, қайта тирилиш ҳам йуқ», деган сўзларингизда) ростгўй булсангизлар ўша (жонни яна жасадга) қайтара олсангизлар эди! (Йуқ, ҳеч қачон қайтара олмассизлар).
88-89. Энди агар ўша (вафот қилгувчи киши Аллоҳга яқин қилинган (пешқадам)лардан булса, у ҳолда (унинг учун) роҳат-фароғат, гўзал ризқ ва ноз-неъматли жаннат бордир!
90-91. Энди агар у ўнг томон эгаларидан бўлса, у холда (эй саодатманд бандам), сенга ўнг томон эгаларидан салом бўлгай!
92-93-94. Энди агар у (қайта тирилишни) ёлғон дегувчи гумрохлардан (яъни чап томон эгаларидан) бўлса, у холда қайноқ сувдан иборат «зиёфат» ва дўзахга киритилиш бордир!
95. Шак-шубхасиз (ушбу сурада зикр қилинган нарсалар) айни ҳақиқатнинг ўзидир!
96. Бас, улуғ Парвардигорингизнинг номини (хар қандай айб-нуқсондан) поклаб-тасбех айтинг.
-- ВОКЕЪА СУРАСИ 
1. Иза вақоьатил воқиъаҳ
2. Лайса ливақъатиҳа казибаҳ
3. Хофизотур рофиъаҳ
4. Иза ружжатил арзу рожжа
5. Ва буссатил жибалу басса
6. Фа қанат, ҳаба'ам мумбасса
7. Ва қунтум азважан саласаҳ
8. Фа асҳабул майманати маа асҳаабулъ майманаҳ
9. Ва асҳабул маш'амати ма асҳаабулъ маш'амаҳ
10. Вас сабиқунас собиқун
11. Ула'иқал муқорробун
12. Фи жаннатин наъийм
13. Суллатум минал аввалийн
14. Ва қолийлум минал аҳирийн
15. Ъала сурурим мавзунаҳ
16. Муттақи'ийна ъалайҳа мутақобилийн
17. Йатуфу ъалайхим вилданум мухолладин
18. Би'ақвабив ва абарийко ва қа'син Мин маъийн
19. Ла̀ йусаддаъууна ъанҳа вала йунзифун
20. Ва факиҳатим мимма йатаҳоййарун
21. Ва лаҳми майрим мимма йаштаҳун
22. Ва ҳурун ъийн
23. Ка'амсалил лу'лу'ил мақнун
24. Жаза'ам бима қану йаъмалун
25. Ла̀ йасмаъууна фийҳа лағвав ва ла та'сийма
26. Илла̀ қийлан саламан салама
27. Ва асҳабул йамийни ма асҳабул йа-мийн
28. Фи сидрим маҳзуд
29. Ва толҳим манзуд
30. Ва зиллим мамдуд
31. Ва ма'им маскуб
32. Ва фақиҳатун қосийроҳ
33. Ла̀ мактуъатив Ва ла мамнуъаҳ
34. Ва фурушин марфуъаҳ
35. Инна анша'наҳунна инша'а
36. Фажаъалнуҳунна абқаро
37. Ъурубан атроба
38. Лиасҳабил йамийн
39. Суллатум минал аввалийна
40. Ва суллатум минал аҳирийн
41. Ва асҳабуш шимали ма асҳабуш шимал
42. Фи самумив Ва ҳамийм
43. Ва зиллим мий йаҳмум
44. Ла̀ баридив Ва ла қарийм
45. Иннаҳум қану қобла залиқа мутрофийн
46. Ва қану йусирруна ъалал ҳинсил ъазийм
47. Ва қану йақулуна а'иза митна ва қунна туробав Ва ъизоман а'инна ламабъусун
48. Ава аба'унал аввалун
49. Кул иннал аввалина вал аҳирийн
50. Ламажмууъууна ила мийкоти йавмим маълум
51. Сумма иннақум аййуҳаз золлунал
миказзибун
52. Ла' акилуна Мин мажарим мин заққум
53. Фа мали'уна минҳал бутун
54. Фа шарибуна ъалайҳи минал ҳамийм
55. Фа шарибуна шурбал ҳийм
56. Хаза нузулуҳум йавмад дийн
57. Наҳну ҳолакнакум фалавла мусоддикун
58. Афаро'айтум ма тумнун
59. А'антум маҳлуқунаҳу ам наҳнул ҳолу-кун
60. Наҳну коддарна байнакумул мавта ва ма наҳну бимасбуқийн
61. Ъала ан нубаддула амсолақум ва нунша'ақум фи мала таъламун
62. Ва лақод ъалимтумин наш'атал уула фалавла тазаққарун
63. Афа ро'айтум ма таҳрусун
64. А'антум тазроъунаҳу ам наҳнуз зариъун
65. Лав нашаа'у лажаъалнаҳу ҳутомав фазолтум тафаккаҳун
66. Инна ламуғромун
67. Бал наҳну маҳрумун
68. Афаро'айтумул ма'аллазий ташробун
69. А'антум анзалтумуҳу минал мизни ам наҳнул мунзилун
70. Лав наша'у жаъалнаҳу ужажав фалавла ташкурун
71. Афаро'айтумун нарол-латий тууруун
72. А'антум анша'тум шажаротаҳа ам наҳнул минши'ун
73. Наҳну жаъалнаҳа тазкиротав Ва матаъал Лил муқвин
74. Фасаббиҳ бисми роббиқал ъазийм
75 Фала уқсиму бимаваақиъин нужум
76. Ва иннаҳу лакосамул лав таъламуна аъзийм
77. Иннаҳу лакур'анун қарийм
78. Фий қитабим мақнун
79. Ла ямассуҳу илал мутоҳҳарун
80. Танзийлум мир роббил ъаламийн
81. Афа биҳазал ҳадийси антум мудҳинун
82. Ва тажъалуна ризкокум аннакум туказзибун
83. Фалавлаа иза балағотил ҳулкум
84. Ва антум ҳийна'изин танзурун
85. Ва наҳну акробу илайҳи минкум ва лакил ла тубсирун
86. Фалавлаа Ин кунтум ғойро мадиниин
87. Таржиъуунаҳа ин қунтум содиқийн
88. Фа амма ин қана минал муқор роббийн
89. Фаробхув ва райҳанув ва жаннату наъийм
90. Ва амма ин кана Мин асҳабил ямийн
91. Фасаламул лака Мин асҳабил ямийн
92. Ва аммаа ин кана минал муказзи- бийназ золлийн
93. Фанузулум Мин ҳамийн
94. Ва таслияту жаҳийм
95. Инна ҳаза лаҳува ҳаққул яқийн
96. Фа соббиҳ бисми роббикал азъийм.
Присоединяйтесь к ОК, чтобы посмотреть больше фото, видео и найти новых друзей.
Комментарии 33
Аллох рози булсин.
АМИН