Ибн Масъуд (розияллоҳу анху)дан ривоят қилинади: Расулуллоҳ (саллоллоҳу алайҳи ва саллам:
«Аллоҳумма инний асъалука ҳуда ваттуқо вал ъафофа вал ғина», - деб айтардилар.
(Маъноси:
Эй Аллоҳ, сендан ҳидоят, тақво, иффат, ва бойлик сўрайман).
Имом Муслим ривояти.
Ўқиб_юриш_тавсия_этилган_дуолар
.
Абдуллоҳ ибн Амр ибн Осс (розияллоҳу анҳу)дан ривоят қилинади: Расулуллоҳ (соллаллоҳу алайҳи ва саллам):
«Аллоҳумма йа мусаоррифал қулуб сорриф қулубана ъала тоъатика», деб айтардилар.
(Маъноси:
Эй Аллоҳ, қалбларни айлантирувчи зот, қалбимизни тоатин томонига айлантир).
Имом Муслим ривояти.
Ўқиб_юриш_тавсия_этилган_дуолар
.
Ойша (розияллоҳу анҳо)дан ривоят қилинади: Расулуллоҳ (саллоллоҳу алайҳи ва саллам) мана бу калималар билан дуо қилардилар:
«Аллоҳумма инний аъзубика мин фитнатин нари ва аъзобаннари ва мин шаррил ғина вал фақри»
(Маъноси:
Аллоҳим дўзах фитнасидан, дўзах азобидан, бойлик ва камбағалликнинг ёмонлигидан Сендан паноҳ тилайман.)
Абу Довуд Термизий, Насаий, ва Ибн Можжалар саҳиҳ иснод билан ривоят қилган.
Ўқиб_юриш_тавсия_этилган_дуолар
Саъд ибн Абу Ваққос (розияллоҳу анҳу)дан ривоят қилинади: Расуллуллоҳ (саллоллоҳу алайҳи ва саллам):
«Катта балиқнинг қорнида Раббиларига илтижо қилган Зиннуннинг (Юнус алайҳиссалом) дуолари:
«Лаа илаҳа илла анта субҳанака инний кунту миназ золимин», эди. Бирор мусулмон киши мана шу калималар ила дуо қилса, ижобат этилади», - дедилар.
(Маъноси: Сендан бошқа илоҳ йўқ. Сени поклаб ёд этурман. Албатта мен золимлардан бўлдим).
Аллоҳ барчаларимизни мушкулларимизга ўзи нажот берсин. Омин.
=======================
=======================
Мусулмонларнинг уйлари ичида энг яхшиси...
Абу Ҳурайра розияллоҳу анҳудан ривоят қилинган ҳадиси шарифда Расулуллоҳ соллаллоҳу алайҳи васаллам: “Мусулмонларнинг уйлари ичида энг яхшиси етимга яхшилик қилинадиган уйдир. Мусулмонларнинг уйлари ичида энг ёмони ундаги етимга ёмонлик қилинадиган уйдир”, дедилар. Сўнгра икки бармоқларига ишора қилиб: “Мен ва етимнинг кафили жаннатда мана бундаймиз” дедилар .
(Имом Бухорий ривояти).
. Ҳасанот
Абу Умома розияллоҳу анҳудан ривоят қилинган ҳадиси шарифда Расулуллоҳ соллаллоҳу алайҳи васаллам: “Ким Аллоҳ азза ва жалла учун бир етимнинг бошини силаса, қўли нечта сочнинг устидан ўтса, шунча ҳасанот ёзилади. Ким ўз ҳузуридаги етим қизга ёки болага яхшилик қилса, мен ўша одам билан жаннатда мана бундай бўламан” деб икки бармоқларини яқинлаштирдилар (Имом Абу Дардо ривояти).
. Ўнг тараф
Абу Ҳурайра р.а. дан ривоят қилинади, Расулуллоҳ соллаллоҳу алайҳи васаллам дедилар:
- “Сизлардан бирингиз (оёқ кийим) кийса, ўнг томондан бошласин. Агар (оёқ кийим) ечса, чап томондан бошласин. Ўнг томон (оёқ кийим) кийилаётганда иккаласидан аввал, ечилаётганда иккаласидан охиргиси бўлсин”.
(Имом Бухорий ривояти)
Абу Ҳурайра ривоят қиладилар:
“Ҳазрат Умар розияллоҳу анҳу жума куни хутба айтиб турган эдилар, масжидга бир киши кириб келди. Шунда Умар унга: «Нега намозга кеч қолдингиз?»-дедилар. У киши: «Азонни эшитдиму, таҳорат олиб келавердим», - деди. Умар: Расулуллоҳ соллаллоҳу алайҳи ва салламнинг «Ҳар бирингиз жумага ғусл қилиб боринг!» деганларини эшитмаганмисиз?” –дедилар”.
Имом ал-Бухорийнинг "Ал-жомеъ ас-саҳиҳ" китобидан
Уйларнинг энг яхшиси
Ибн Умар розияллоҳу анҳудан ривоят қилинган ҳадиси шарифда Расулуллоҳ соллаллоҳу алайҳи васаллам: “Аллоҳ учун уйларнинг энг яхшиси унда иззат-икром қилинадиган етим бор уйдир”, деганлар (Имом Байҳақий, Имом Табароний ривояти).
. Жаннат
Амр ибн Молик розияллоҳу анҳудан ривоят қилинган ҳадиси шарифда Расулуллоҳ соллаллоҳу алайҳи васаллам: “Ким ота-онадан етим қолган қизчани у беҳожат бўлгунича тарбия қилса, унга албатта жаннат вожиб бўлади” дедилар
(Имом Бухорий ривояти).
Присоединяйтесь к ОК, чтобы посмотреть больше фото, видео и найти новых друзей.
Комментарии 1