Тәсбих(дисбе) турында кыскача
🙏Тәсбих ислам динендә генә түгел, ул дөньяда киң таралган барлык диннәрдә дә бар. Ләкин саннарының төрле булуы белән генә аерыла.
🙏Тәсбих тарту — гыйбадәтләрнең, аллаһны искә төшерүнең, теләкләрең кабул булуны аллаһтан сорауның иң җиңел ысулы.
🙏Машинага дисбе элеп кую гына бәла-казадан коткармый. Аллаһы Тәгалә генә зарардан саклый ала. Дисбене дөрес ният белән йөртергә кирәк. Машинада утырганда, тәсбих тартканда кулланырга була.
🙏Тәсбих тарту хәтерне ныгыта, кәефсезлектән, эч пошудан коткара.
🙏Тәсбих тарту бармаклар өчен файдалы икән... Тәсбих тартканда, бармак очларында урнашкан биологик актив нокталарга басып, аларга һәм шуның белән бәйле рәвештә бөтен организмга массаж ясыйбыз булып чыга. Аның кан басымын көйләве дә билгеле.
Әнкәй дисбе тезә.
(төш)
“Хөрмәләрдән әнкәй дисбе тезә
Ашъяулыгын җәеп салган да.
Бер ялгызы нидер көйли үзе
Гөлчәчәкле матур аланда.
Үлән чыкларында юып ала
Хөрмәсенең йөзен тезгәнче.
Дисбе җебен кат-кат тартып карый-
Чыдам булсын дисбе-өзмәслек.
Бер дисбесен ашъяулыкка куйган-
Матур чыккан,тигез, килешле!
Көйләп кенә дога укый Әнкәй-
Хәтерләтә моңы инешне.
Көмеш тавышына сокланышып
Урман кошлары да тынганнар.
Әнкәй дисбе тезә зур аланда,
“Пар дисбе күк булсын туганнар”.
Әнкәй дисбе тезә иртә таңнан,
Бер көйли дә,тагын бер тына.”
Мин төшемнән кинәт уяндым да,
Дога кылдым Әнкәй рухына. Гөлнур Айзат
Присоединяйтесь к ОК, чтобы посмотреть больше фото, видео и найти новых друзей.
Нет комментариев