Ermənistan Təhlükəsizlik Şurasının katibi Armen Qriqoryan sülh sazişi üzrə şərtlərini yenidən elan edib.
Bura Ermənistanın “29,8 min kvadratkilometr ərazisi”nin toxunulmazlığı, “Bakı-Xankəndi formatı”nın beynəlxalq mexanizmlərlə yaradılması, Qarabağdakı erməni əhalisinin hüquq və təhlükəsizliyinə beynəlxalq təminatın verilməsi daxildir.
Qriqoryan tərəflərin bu məsələlədə fikir ayrılığının olduğunu deyir.
“10 noyabr razılaşmasının müddəalarına əməl olunmasını təmin etmək mümkün deyil. Azərbaycanın Laçın yoluna post qurmasından sonra bu, arxa plana keçib, ona görə beynəlxalq təminatın yaradılması bizim üçün vacibdir, bunun köməyi ilə bütün məsələləri həll edəcəyik”, - o deyib.
Beləliklə, Ermənistan sərhədin delimitasiyasının konstruktiv şəkildə həyata keçirilməsinə qarşı olduğunu, o cümlədən, Azərbaycana qarşı ərazi iddialarından əl çəkmədiyini nümayiş etdirir. Bu vəziyyətdə tərəflərin harada görüş keçirməsindən asılı olmayaraq, razılaşmanın mümkün olmayacağı ehtimalı ön plana çıxır. Masada anlaşma əldə olunmaması hərbi eskalasiya risklərini də artırır. İrəvanın sərgilədiyi mövqe isə müharibənin qapılarının yenidən açılması deməkdir.
Присоединяйтесь к ОК, чтобы посмотреть больше фото, видео и найти новых друзей.
Нет комментариев