Предыдущая публикация
МУСОФИР АЁЛЛАР........
Фарзандлар камоли иқболи учун,
Чет элда юрибди ўзбек аёллар.
Уларни ёмон деб сўзлайсиз нечун,
Эри бор ташвишсиз юрган аёллар.
Бошида ташвиши мингта ўйи бор,
Хар кеча кўзлари тўлади ёшга.
Бир чимдим мехрга бўлишади зор,
Болам деб чидайди не тушса бошга.
Қахратон совуқни совуқ демасдан,
Болам деб хаттоки ишлар эрта кеч.
Тийинлаб йиғади тўйиб емасдан,
Уйига жўнатар канда қилмай хеч.
Сизларчи совуқда ёрнинг қўйнида,
Ғам ташвиш билмасдан беғам ётасиз.
Уларчи саргардон тақдир ўйнида,
Сиз эса тухматнинг тошин отасиз.
Мусофир аёлни ғийбатин қилманг,
Дилини оғритар айтган сўзингиз.
Хеч қачон уларга осон деб билманг,
Бир бора ўрнига қўйинг ўзингиз
Присоединяйтесь к ОК, чтобы посмотреть больше фото, видео и найти новых друзей.
Нет комментариев