Предыдущая публикация
Әрнеп-әрнеп,син сыкрама йөрәк,
Бирешергә безгә ярамый,
Бергә җиңдек күпме авырлыкны,
Икәү, бернигә дә карамый.
Икәү бергә күпме эш башкардык,
Башланмаган эшләр күп әле,
Ял итәргә икәү өлгерербез,
Син чак кына тагын түз әле.
Бурычлымын,бик күп кешеләргә,
Изгелекләр бар бит эшлисе,
Ә төннәрен язган шигырьләргә,
Икәүләшеп көйләр эзлисе.
Әрнеп-әрнеп,син сыкрама йөрәк,
Бирешергә безгә ярамый.
Бергә җиңдек күпме авырлыкны,
Икәү, бернигә дә карамый. С.Мокыйм.10.07.2020.
Следующая публикация
Комментарии 83
Шигырь шәп!,- диясе генә кала...
Парлы гомерләр Сезгә!!! Уңышлар!!!!