Йўлига солишга бўлмас кўп сарон,
Шайтоннинг ишлари кўп енгил замон.
Кўпайди қилиғи жуда ҳам ёмон,
Ёнбошлаб дамини олади шайтон.
Охират не бўлар ўйламай қўрқмай,
Одамлар юрибди бир бирин алдай.
Бу холат қурғурга оғирлиқ қилмай,
Ёнбошлаб дамини олади шайтон.
Бепарво бўлса ҳам охирга хатар,
Кўпчиликка одат кимдан ким ўтар?
Бўлаверсин дея бунданда баттар,
Ёнбошлаб дамини олади шайтон.
Олгани бўлса ҳам танча ва танча,
Етимлар ҳақидан қўрқмаслар анча.
Ишлари енгилаб кетдия мунча,
Ёнбошлаб дамини олади шайтон.
Охират не бўлар кўпга ғам эмас,
Охирдан кўпайди сира ғам емас.
Бировнинг уйини бузган кам эмас.
Ёнбошлаб дамини олади шайтон.
Қани беғийбат даврани топчи,
Айёллардан баттар эркаклар гапчи.
Тўғри гапдан кўра кўпайган лофчи,
Ёнбошлаб дамини олади шайтон.
Эрга ҳам жим бўлинг дерлар кўпайди,
Хотинин рашк қилмас эрлар кўпайди.
Кўпайса кўпаяр бунга нимайди?
Ёнбошлаб дамини олади шайтон.
Билса ҳам бу дунё кўплардан қолган,
Молу дунё кўпнинг ақлини олган.
Бир бирин дунё деб ҳар кўйга солган,
Ёнбошлаб дамини олади шайтон.
Дунё талаш пайдо бўлиб гиналар,
Етти ётдек баъзи ака-укалар.
Бундай холат кўпроқ шунга қўл келар,
Ёнбошлаб дамини олади шайтон.
Ҳалол топганини ҳаромга йўйган,
Кимдир бойиб кетса балога қолган.
Уни ҳам кўпаяр нишонга олган,
Ёнбошлаб дамини олади шайтон.
Давом этаверар яна ва яна,
Келтирсанг мисоллар тугамас сира.
Иложин тополсанг ўзидан сўра,
Ёнбошлаб дамини олади шайтон.
Рустам Пирназар
Присоединяйтесь к ОК, чтобы посмотреть больше фото, видео и найти новых друзей.
Нет комментариев