Ким оьлтирген ана тилин айтынъыз!
Биз оьзимиз куьналимиз баьримиз!
Кайдан бала уьйренмеге болады?
Оны мутып, кулланмайды халкымыз!
Бесик йырлар ногайша йырланмайды
Ата-ана не экен де билмейди
Бесиклерди шетке салып муттырып
Уьйклатув деп балады шайкамайды
Тынъламайды оьсеяткан балалар
Ногай эртек, юмаклары эм шынълар
Биз оьзимиз куьналимиз баьримиз
Биз айтпасак сол затларды ким айтар?
Дестанлардынъ, баьтирлердинъ ногай тил!
Шаьирлердинъ, аьлимлердинъ ногай тил!
Сени мутса ногай - ногай болмайды
Кыпшаклардынъ, коьк туьрклердинъ ногай тил!
Сен Алладан бизге уьйкен аманат
Тек бизден сен коьрип турдынъ хыянат
Тилсиз миллет, келеегин коьрмеек
Мутылаяк "ногай" деген данъклы ат
Баьтир тилим! Баьтир, мурза соьйлеген!
Куьшли давлар эм согыслар коьрдинъ сен!
Биз борышлымыз ана тилди сакларга!
Ана тилди саклав керек оьлимден!
Ишмухамбетов Р.В.
Присоединяйтесь к ОК, чтобы посмотреть больше фото, видео и найти новых друзей.
Нет комментариев