Предыдущая публикация
нинди матурлар без,
Яшьлек искә төште кабаттан.
Син карыйсың миңа көлеп өстән
Ә мин шундый, шундый оялам...
Син бик буйлы, ә мин кечкенәрәк,
Бияләең хәтле генәмен!
Салкын җилләр ничак чеметсә дә
Синең фәлсәфәңнән көләмен.
Ниләр генә уйлап тапмыйсың да,
Ниләр генә сөйләп калмыйсың
Яшьлек хыялларын ера-ера
Көртләр аша безгә атлыйсың...
Аңламассың күңелен яшь кызларның
Күңелендә шаулы бураннар
Киләм әле дисең, урамыңа
Әйтерсең лә учак якканнар!
Шыгыр-шыгыр килә парлы эзләр
Карлы эзләр, парлы хыяллар
Әйләнеп бак, карлы урамнарга
Ничә еллар инде узганнар!
Карлар ява, ә син нинди матур...
Ә мин синнән күпкә яшь сыман.
Бураннарда калган яшьлегемне
Карлар яуган саен юксынам...
Дания Салахова
Присоединяйтесь к ОК, чтобы посмотреть больше фото, видео и найти новых друзей.
Нет комментариев