Предыдущая публикация
Дулкыннарга каг(ы)лып, кайтаваздай,
Ишетелә гармун тавышы,
Искән җилгә кушылып моңын суза,
Яр буеның зифа камышы.
Камышларның моңын отып алып,
Баш очында бер кош сайрады,
Бераз гына тынып калып , кошкай,
Кунып сайрар талын сайлады.
Шыбыр-шыбыр яуды җәйге яңгыр,
Күкне кисте яшен камчысы,
Битләремдә әллә күз яшьләре,
Әллә инде яңгыр тамчысы.
Күңелемне телеп- телеп алды,
Ерактагы гармун тавышы,
Хыялымда бары бер мизгелгә,
Яшьлегемә кайтып барышым.
12.01.2024.
Присоединяйтесь к ОК, чтобы посмотреть больше фото, видео и найти новых друзей.
Комментарии 2