Бер танышым миңа зар сөйли
Аларның үз мәшәкате, үз дөньясы
Еллар буе алар хәлне белми.
Кирәк булса гына, шалтыраталар
Биздем әле мин дә алардан
Шалтыратмыйм да, кайтмыйм да
Җәем үтте быел калада.
Әллә нигә кыен булып китте
Күңел күзем аска иелде
Танышымның әйткән сүзләреннән
Әллә нигә тыным кысылды.
Бер ни өмет итми ярата беләсеңме...
Танышыма шундый сорау бирдем
Сүзсез калды минем танышым
Әзрәк торгач миңа көлеп куйды.
Алар миннән гел өмет итәләр бит
Ничек инде аларны яратып була
Ничек..ничек...Бер ни өмет итмә
Үз туганың бит ул...Яратып кара.
Үз дөньясы белән яшәгәнгә
Сөенеп тор...Димәк ялгыз түгел
Мәшәкатьләре күп икән, тагын сөен
Димәк дөнья көтә...Ялкау түгел.
Шалтыратмый икән айлар буе
Чын күңелдән үзең хәлен бел!
Горур булма...Юк..юк...кирәк түгел
Бар яктан да ихлас, гади бул!
Хәл белмиләр диеп үпкәләмә
Якты уйлар җибәр...Сабыр бул
Һәрбер таңда ак бәхетләр теләп
Исән булсыннар дип дога кыл.
Күңелең киң булса, туганнарың да
Үзгәрерләр...Менә күрерсең
Хәл белергә соңга гына калма
Үлем-үкенечле...беләсең...
Бер ни өмет итми ярата белү
Ихласлылык җитми кешегә.
Туган белән туган аралашмый
Бу күренеш сыймый башыма...
Рүзилә Гатауллина
Присоединяйтесь к ОК, чтобы посмотреть больше фото, видео и найти новых друзей.
Нет комментариев