Предыдущая публикация
BİLMƏDİM
(münsərih)
Gəldi ömrün payızı, sonum yetdi, bilmədim,
Demə beləymiş yazı, gənclik ötdü, bilmədim.
Dedim dünya mənimdi, anlayıram mən indi-
Zaman mənə qənimdi, nə tez bitdi, bilmədim.
Eylədi gərdiş fələk, ələndim ələk-ələk,
Gəldi Əzrayıl mələk, xoş gün itdi, bilmədim.
Tay-tuş içində öndüm, sevib Məcnuna döndüm,
Alışıb tez də söndüm, hər kim etdi, bilmədim.
Daha unut Nərmanı, verən verib fərmanı,
Ömrümün gözəl anı ötüb getdi, bilmədim.
06.01.2023
Следующая публикация
Нет комментариев