Модарам мехост, ман шоир шавам,
Бехабар аз он ки кас бо хостан шоир нахоҳад шуд...
Ман барои хотири модар,
То ки садбарги ҳавасҳояш нагардад пажмурида,
Фанни шеър омӯхтам.
Дар замоне, ки ҳама мардум
Даста-даста пул,
Баста-баста ганҷ меандӯхтанд,
Ман барои модари худ
Даста-даста,
Баста-баста шеър меандӯхтам.
Дар замоне, ки ҳама ҳамсолҳоям
Рӯзу шаб буданд дар фикри арӯс,
Дар сари ман "фоилун" буду "ҳазаҷ" буду "арӯз".
Ин замон ҳам,
Бо тақозои замона,
Гарчи ман гаштам муҳоҷир,
Лек, сад афсӯс, ки тоҷир нагаштам.
Модаро, бахшой ин нотоҷиратро.
Гарчи "шоирбача" мехонӣ маро доим,
Лек, сад афсӯс, ман шоир нагаштам.
Модаро, бахшой ин ношоиратро.
Чунки кас бо хостан шоир нахоҳад шуд....
Устод Нусратулло Бобоев.
Присоединяйтесь к ОК, чтобы посмотреть больше фото, видео и найти новых друзей.
Нет комментариев