Як распавёў выконваючы абавязкі дырэктара прадпрыемства Іван Цімафіевіч, даўгунец сёлета займаў агульную плошчу ў 1 348 гектараў на тэрыторыі нашага і суседняга Салігорскага раёнаў. Звыш паўтысячы з іх ўжо ўбраны.
– У гэтым годзе больш скурпулёзна падышлі да выканання тэхналагічных патрабаванняў, што дало свой вынік – ураджай значна лепшы, чым летась. І па даўжыні валакна, і па нумары, і па якасці паказчыкі вышэйшыя. Так, прыкладна на 80 працэнтах участкаў лён дасягае 1-1,15 метра, а на астатняй частцы – ён ад 60 сантыметраў. Нас не можа, вядома, не радаваць такі расклад. Плён і старанне акупіліся, – зазначыў Іван Міхайлавіч.
Цяпер галоўная задача льнозавадчан – убраць тэхнічную культуру без страт, захаваўшы яе якасць. Праўда, надвор’е часам падносіць сюпрызы, але рупліўцы максімальна эфектыўна імкнуцца выкарыстаць кожную пагодную гадзіну. Задзейнічаны на церабленні чатыры экіпажы, сярод якіх і вопытныя механізатары, і тыя, хто толькі набывае прафесійнае майстэрства. Аднак шчыруюць усе зладжана і арганізавана. Напрыклад, Уладзіслаў Сеўрук і Іван Касцюкавец – навучэнцы Любанскага дзяржаўнага каледжа. Яны будучыя трактарысты-машыністы. І на час канікул вырашылі працаўладкавацца на льнозавод. “Тут і навыкі, атрыманыя на занятках, замацуем, і ўласныя грошы заробім, і дапамога наша лішняй не будзе”, – падзяліліся юнакі. На ўборцы яны, да слова, з’яўляюцца памочнікамі ў механізатараў.
У сярэднім кожны экіпаж штодня паспявае выцерабіць каля 4 гектараў даўгунцу. Далей яму неабходна вылежацца. Нездарма ў народзе кажуць: “Лён нараджаецца двойчы – у полі і на сцелішчы”. Пасля чаго працаўнікі ўзнімуць трасту і спрасуюць. А рулоны даставяць на завод, каб максімальна напоўніць шохі і на больш працяглы перыяд загрузіць вытворчыя лініі сыравінай, такім чынам забяспечыць калектыў працай і заробкам.
Присоединяйтесь к ОК, чтобы посмотреть больше фото, видео и найти новых друзей.
Комментарии 1