Лазапляценне — рамяство выраблення пляцёных вырабаў з лазы. Пад лазой маецца на ўвазе любы прыродны матэрыял расліннага паходжання, здольны пры азначанай апрацоўцы з лёгкасцю гнуцца, а ў звычайных умовах трымаць форму. Назва матэрыялу — «лаза» паходзіць ад вінаграднай лазы, з якой плялі кошыкі. Часта матэрыялам для пляцення служыць вярбовы прут.
З лазы плялі розныя па форме і прызначэнні вырабы хатняга начыння: скрыні, кошыкі, вазы, посуд і нават мэблю. Узводзілі жыллё, гаспадарчыя пабудовы, рабілі загараддзі, кузавы саней і павозак. З лазы плялі нават рыбалоўныя сеткі і пасткі для птушак і жывёл. У Беларусі пляценне кошыкаў было даволі распаўсюджанай справай. Майстры плялі кошыкі абсалютна розных формаў і памераў. Адным з самых вядомых вырабаў з лазы з'яўляецца двухлучковы кошык, які ў многіх краінах называюць “беларускі”. Аснова такога каша - два абручы, змацаваныя паміж сабой шчыльным пляценнем з лазовай стужкі або дубцоў, якое называюць “зорачкай”.
У XVIII-XIX стст. вырабы з лазы сталі карыстацца вялікім попытам у гарадах. Лазу сталі адбельваць, афарбоўваць і нават пакрываць пазалотай і срэбрам. Сплеценыя з дубца кошыкі, дзіцячыя калыскі, калысачкі, цацкі, мініяцюрныя кошыкі для рукадзелля, дарожныя кошыкі-скрыні, шкатулкі, мэбля і нават дываны многія гады служылі чалавеку, упрыгожваючы яго побыт.
Запрашаем Вас на выставу "Цудатворны пруцік". Павел Ярошонок
.
#Вилейка #домремёсел #вилейскийрайонныйдомремёсел #экскурсия #мастеркласс #выставка #Вілейка #домрамёстваў #вілейскіраённыдомрамёстваў #выстава #экскурсія #майстарклас #вілейскіраён #цудатворныпруцік #вырабызлазы #лаза #лазапляценне #вытокі #вытоки #любительскоеобъединение #ремесленники
Присоединяйтесь к ОК, чтобы посмотреть больше фото, видео и найти новых друзей.
Комментарии 14