азиз халкъым,
ким къорчалар,
шавле сачар
ёлума?
Сен олмасанъ,
бульбуль къонмаз,
къалем туткъан
къолума.
Сен олмасанъ,
ким парчалар,
юрегимнинъ бузларын?
Сен олмасанъ,
ушюрим мен,
бузларым.
Сен олмасанъ,
ёлда-изде,
къалтырарым-сызларым.
Сен олмасанъ,
ерде къалмаз
омюр-билля,
ызларым…
Сен олмасанъ,
ким эшитир
"Ватан!"-деген
сесими…
Сен олмасанъ,
мен ольген сонъ,
ким хатырлар неслими?
Сен олмасанъ,
не Ай догъар,
не Танъ атар
Дюньяда.
Сен олмасанъ,
не Ватан бар,
не Ана бар,
не баба…
Сен олмасанъ,
не Ялта бар,
не деньиз бар,
не Ада…
Сен олмасанъ,
янъгъырамаз
ерде-кокте
йырларым.
Сен олмасанъ,
Янсын- батсын
фелякетли шу Къырым!
Сен олмасанъ, Азиз Халкъым,
кимге керек бу Дюнья!
Сен олмасанъ, эй, гузелим,
оксюзим мен, Къырымда.
Присоединяйтесь к ОК, чтобы посмотреть больше фото, видео и найти новых друзей.
Нет комментариев