Предыдущая публикация
Воспоминание о событии 9 лет назад
АТМАГЫЗ КЫР КАЗЛАРЫНА!
Яз аенда күктә ишетелә
Кыр казының канат кагышы!
Кайтып җитү сөенечен бүлеп,
Яңгырыйдыр ату тавышы...
Атмагыз сез кыр казларына
Кайтсын алар туган якларга!
Озакка түгел,җәй буена гына,
Кайта алар,нәсел сакларга!
Туган җир ул шундый,тартып тора
Үзе үстергән бар тере җанны...
Очсыз ара узып,кайта казлар
Күрер өчен туган якларны!
Атсалар да,hәр ел кайта алар,
Югалтса да юлда берэрсен!
Туган җирнең бер hавасын сулап,
Үләргә дә риза,күрәсең!
Атмагызчы,зинхар, кыр казларын!
Ял итсеннәр юлдан,атмагыз!
Җир- ананың көтеп торуларын
Күңелегездә hәрчак саклагыз!!!
Следующая публикация
Нет комментариев