Предыдущая публикация
үз йолдызым эзләп,
Айлы төннәр, чыклы таңнарым... -
Барысы да калыр миннән башка;
Киткәч кенә бары аңлармын...
Киткәч кенә... Әгәр хәбәр салсам,
Таң җиленнән хәлем кем сорар?
Мине искә алып тау астында
Салкын чишмәм генә чылтырар.
Авыр сулый-сулый җир өстендә
Кичке кояш беткәч сүрелеп,
Моң-сагышка чумган тын бакчама
Ак күләгәм карар үрелеп.
Дөнья һаман шулай дәвам итәр.
Миннән соң да... алтын күгәрмәс,
Чишмәләр дә көйләр шул ук көен,
Таңнарның да төсе үзгәрмәс.
Миннән соң да башын җиргә салып,
Яңа орлык чыгар тишелеп.
Адаштырыр сезне кар-бураннар,
Яңгырлары явар ишелеп...
...Миннән башка... Миннән башка гына...
Рәмис Әймәт
Присоединяйтесь к ОК, чтобы посмотреть больше фото, видео и найти новых друзей.
Нет комментариев