Предыдущая публикация
ЙИҒЛАМАНГ, ОНА
Виждонни сотганлар йиғламаганда,
Гуноҳга ботганлар йиғламаганда,
Бировни йиғлатиб роҳатлар қилиб,
Дийдаси қотганлар йиғламаганда,
Ўзингиз айтгандай, турмай мардона
Сиз нега йиғлайсиз,
Йиғламанг, Она!
Йиғламанг мунисим, садқаи кўз ёш,
Бандасига ёлғон, яратганга фош.
Сочингизни битта оқ толасига,
Дунё арзимайди, дунё — бағритош.
Тирналган бағримни тиғламанг, Она,
Сиз нега йиғлайсиз,
Йигламанг, Она!
Юзимга ярашган кулгучим бўлиб,
Суянгувчим бўлиб, суйгувчим бўлиб.
Эдингиз-ку, нечун эгик қадингиз?
Йиқилсам, турғазиб қўйгувчим бўлиб.
Сиз нега йиғлайсиз,
Йиғламанг, Она!
Умрим файзиёбдир ўзингиз билан,
Нокасга тик боқинг кўзингиз билан.
Ишонинг, сиз ҳали фахрланасиз,
Кун келиб АБДУРАСУЛ УГЛИНГИЗ билан.
Сиз нега йиғлайсиз, Йигламанг, Она!
Следующая публикация
Нет комментариев