ЖОНИ МАМАЕВ MEIKINDIK

Кетип жатып сүрүн көрүп мүрзөнүн, Эмнегедир тып басылды күлгөнүм. Канчалаган адамдардын типтирүү, Көргөн элем кечээ гана жүргөнүн. Алар кайда? Кечээ жүргөн алдымда, Өлбөчүдөй сүр көрсөтүп тагдырга. Ана эми ичээр суусу түгөнүп, Ар кимиси жалгыз жатат кабырда. Бир маалда демим чыкты кыстыгып, Түшүнүксүз ой-санаалар ышкырып. Эртең эле мен да өлөм алардай, Деген ойдо жол уладым үшкүрүп. Өз оюмдан өзүм корко баштадым, Бир нерсени келип турду баштагым. Эң алгачкы эң биринчи ошондо, Кудай үчүн көз нымдалып жаштадым. Баарын таштап мечит жакка чуркадым, Шайтан айтты токто деди укпадым. Ошол күнү намаз окуп алгачкы, Ошол түнү айрыкча тынч уктадым. Мына ошентип туура жолду тандадым, Көп жагымсыз кылыктарды таштадым. Мурдагыдай өз жашоомо наалыбай, Бар нерсеме шүгүр кыла баштадым. Сен да өкүн күнөөлөрдү армандап, Ойлоп көрсөң ажал оңой, ажал бат. Меникиндей кирдеп кеткен дүйнөңдү, Сен да мендей тазалап ал адамзат!