МУКАДДАС ВАТАНИМ, ОНА ЮРТИМ МУСТАКИЛЛИГИНИНГ 26 ЙИЛЛИК ТАНТАНАСИГА БАГИШЛАЙМАН.

БАРЧАНГИЗГА БАЙРАМ МУБОРАК БУЛСИН АЗИЗ ЮРТДОШЛАР!!!
КОВУРМОЧ.
Рустамжон кучадан халлослаб келиб тугри уйнинг олдида уч- турт косача бугдойни пуф-пуфлаб тозалаб утирган онасини кучогига отилди, кулини кутариб елкасига куйдида, тиззасига бошини куйиб ётиб олди. Онаси Рустамжонни чанг босган, офтобда корайиб кетган ушокдек юзларини силаб упдида, " ха болам, бунча хансирамасанг, ортингдан ит кувдими, нима бало, кап-катта болани эркалаб ётишини каранг, ё эмизиб куяйми",–дедида кулини ёлгондакам ёкасига олиб борди. Рустамжон жон холатда онасини кулига ёпишиб "она, энди шунака килманг, уртогларим курса кулади, халиям онасини эмаркан деб уйлашади", –деди. Онаси кулиб, яна юз-кузларидан упдида "булмаса, тур бугдойни хали ёвурчок(ёргучок)дан утказиб нон килишим керак",–деди. Рустамжон урнидан туриб чордана куриб утириб олдиди, яна эркалаб деди:
–Онажон, менга ковурмоч килиб беринг, жудаям егим келяпти.
–Хай, болам, узи туртта нонга етами-йукми деб, жоним халак, бор бугдойимиз шу, эрта тоганга айтиб эчкини соттирамиз, уч-турт кун сут ичмасак хеч нарса килмайди, хализамон улокчаси тугади. Сен яхшиси бориб даладан озрок бошок териб кел, бошокни ситиб халтачага сол, куп олма, тагин анов худо бехабарлар куриб колиб бошимиз балога колмасин, икки ховучгина булса булди,–деди. Рустамжон хурсанд булиб чопиб кетмокчи булганди, онаси тухтатди. Дастурхонни очиб икки булак суви кочган нонни тутказди. Нонни иккала булагини бирлаштирса Рустамжонни кафтидек келарди.
– Уйда колган нон шу, йулда еб кетарсан, эхтиёт булгин келишинга кулча пишириб куяман, -деди.
–Хуп.
–Гапларим эсингдан чикмасин, тез кайт.
Рустамжон гизиллаганча далага йул олди. Йулда нонларни еб, югуриб келганлиги сабабли каттик чанкади. Бугдойзор четидаги арикдан доимий сув окиб турарди, Рустамжон ховучлаб ичишга каноат килмай, арикка огзини босиб чанкогини кондирди. Урнидан турмокчи булганда арик буйидаги нимагадир енги илашиб колиб, "жирт" этиб спиралсимон холатда йиртилиб тирсагигача келиб осилиб колди, юраги шув этиб кетди. Бу куйлакни онаси тикиб берганига ун беш кунча булганди. Олдинги куйлаги ямок тушавериб кийгулиги колмагач, онаси тахмондаги курпаларни бирини жилдини олиб, кечаси билан чирок ёругида тикиб чикканди. Рустамжон осилиб турган йиртикни тирсагидан пастини олиб ташламокчи булганди, матони жони чикиб булган эмасми, бу сафар кифтигача йиртилиб борди. Рустамжонни кузларидан дувуллаб ёш куйилиб кела бошлади. Арик буйига ултириб олиб йиглашга тушди. "Энди нима кияман, узи биттагина куйлагим бор эди, у хам йиртилди, онамга нима дейман, каттик хафа буладилар, йиглашлари мумкин",-уйларди Рустамжон. Шу пайт узокдан отни кишнагани эшитилди, Рустамжон бошини кутариб шу томонга бир отлик киши келаётганини курди. Шоша-пиша арикдан куз ёшларини ювиб узини бардам тутишга уринди. Отлик етиб келгач урнидан туриб салом берди:
–Ассалому алайкум!
–Ваалайкум ассалом, Рустамжонмисан. Нима килиб юрибсан тинчликми. У киши Рустамжонни аммасини угли Абдулла муаллим эди. Уттиз ёшлардаги, корачадан келган, басавлат киши булиб, урушда оёгидан яраланиб кайтиб келгач мактабда муаллимлик килар эди. Жуда хам очик кунгил, хушчакчак одам эди.
–Узим шундай, бошок тергани келган эдим.
–Хозир пайкалга кириб утирма, бари-бир куйишмайди, яхшиси кел бизникига борамиз,-деб, Рустамжонни жавобини кутиб утирмай, уни даст кутариб олдида отни кишлокка каратиб чоптириб кетди. Уйга келишгач Абдулла муаллим Рустамжонни корнини яхшилаб туйгазди, кайтишда озрок бугдой билан шапалокдек келадиган пул тутказиб "онанга бериб куй, бир камига яратар, хозир уйда бугдой хам йук эди, узим эккан бугдойни янчиб олгач, бир коп элтиб бераман"-деди ва Рустамжонни куча бошигача кузатиб куйди. Рустамжон уйига кайтаркан тезрок етиб боришни, пулни бериб онасини хурсанд килишни уйларди. У хеч качон бунака пулни ушлаб курмаганди, ушласа хам факат чака, танга пулни ушлаганди. Ушанда хам тогасига бакколдан носвой олиб келиб бериш учун.
Рустамжон уйга келгач онасига хамма бошидан утказганларини гапириб берди ва пулни тутказди. Онаси бирданига Рустамжонни багрига махкам босди, у типирчиласа хам куйвормасди. Онаси "хик-хик" килиб йиглар, тинмасдан "узинга шукур, етказганинга шукур"-деб такрорлар, куз ёшларини углининг юзига окириб тинмасдан упарди. Рустамжон хам онасига кушилиб пиккиларди. Анча вакт шу холатда туришди, кейин онаси узини тутиб олиб "энди эчкини хам сотмаймиз, хар калай огизни окида, бу пулнинг бир кисмига мато олиб опанг билан сенга куйлак-иштон тикиб бераман, опанг хам куйлаги йиртиклигидан кучага чиколмай колганди, колганига бугдой оламиз",-деди. Кейин бугдойни тозалаб ковурмоч ковуришга уннаб кетди. Онаси козонда бугдойни ковурди, Рустамжон ут калаб турди. Уша кун Рустам мазза килиб ковурмочдан еди, умрида бугунгидек хеч качон мазза килмаганди. Ярим тунгача уч она-бола чак-чаклашиб утиришди, хаммалари хурсанд эдилар.
* * *
Юкоридаги хикоямдаги барча кахрамонлар реал инсонлар булиб факат уларни исмини узгартирдим холос. Хозир уларни хаммаси бу оламни тарк этишган. Бу вокеа уларнинг машаккатли хаётини шунчаки бир куни. Айтмокчи булганим икки дарё оралигида минг-минглаб йилдан бери яшаб келаётганлар шу кунларга етиб келгунча канча огир кунларни бошдан утказишган, канчадан-канча инсонларни кони дарё булиб оккан, канчадан-канча инсонлар уз куз ёшига гарк булган. Хеч качон бу заминда хозиргидек фаровон хаёт булмаган. Туй килсак фалончиникидан кам булмасин деб харакат киламиз, шу эмасми фаровонлик, уй курсак кушнимникидан бир карич булса хам баланд булсин деб тиришамиз шу эмасми фаровонлик. Хозирги кунда отасини юз миллионлик автомобилини олиб кочиб, дабдаласини чикарган болакай куйлаги йиртилган Рустамжонни юздан бирича ачинмаса керак, нари борса бувиси, ёки тогасиникига кочиб кетади. "Аяси" тирик колганига шукур килинг, деб "адаси"ни бир-икки бурагач "бош-кузингдан садага",- деб, таволло билан уйга олиб келишади, шу эмасми фаровонлик. Канчадан-канча имкониятлар, кулайликлар. Шахар ва кишлокларни айтмайсизми, кундан-кунга фаровонлашиб бормокда, кундан-кунга чирой очмокда. Хар биримиз шундай замонни кадрига етишимиз, накадар бахтли яшаётганимизни хар дакика, хар сонияда хис килишимиз зарур.
ХЕЧ КАЧОН БАХТИНГА КУЗ ТЕГМАСИН ОНА ЮРТИМ!
Очилбой Намозов.