وَيَخِرُّونَ لِلْأَذْقَانِ يَبْكُونَ وَيَزِيدُهُمْ خُشُوعًا ۩ ﴿١٠٩﴾
🔹«Ва юзлари ила йиқилиб йиғларлар ва у хокисорликларни зиёда қилур».
(Исро сураси, 109-оят)
🔹Абу Ҳурайра розияллоҳу анҳудан ривоят қилинади.
Расулуллоҳ соллаллоҳу алайҳи васаллам: «Аллоҳдан қўрқиб йиғлаган киши ҳаттоки сут кўкракка қайтмагунича дўзахга кирмайди (яъни, сут кўкракка қайтиши қай даражада мумкин бўлмаса, мўминнинг дўзахга кириши мумкин эмас). Ва яна Аллоҳнинг йўлидаги ғубор билан жаҳаннам тутуни бир ерда жамланмайди», дедилар.
Имом Термизий ривоятлари.
🔹Абдуллоҳ ибн Шаххир розияллоҳу анҳудан ривоят қилинади.
«Расулуллоҳ соллаллоҳу алайҳи васаллам ҳузурларига борсам, у зот намоз ўқиётган эканлар. Шу даражада йиғлаётгандиларки, ичларидан худди қозон қайнагандаги каби товуш чиқар эди».
Абу Довуд ва Термизий ривоятлари.
🔹«Инсон фақат Аллоҳнинг фазли билангина кўз ёш чиқаради. Фаришта киши қалбини силамагунча унинг кўзидан ёш чиқмайди».
Абдуллоҳ ибн Аббос розияллоҳу анҳу
🔹«Бадбахтнинг нишонаси беш нарсадир: кўнгли қаттиқ бўлмоқ, кўзи ёшсиз бўлмоқ, бешарм ва беҳаё бўлмоқ, дунёга мойил бўлмоқ, умидсиз бўлмоқ».
Фузайл ибн Иёз раҳимаҳуллоҳ
🔹«Аллоҳдан қўрқиб йиғлашим ва кўз ёшларимнинг юзимга оқиши танам оғирлигича тиллони садақа қилишимдан яхшироқдир. Қайси банда Аллоҳ таолодан қўрқиб йиғласаю, кўз ёшидан бир томчи ерга тушса, токи томчи осмонга чиқиб кетмагунича унга дўзах ўти тегмайди. Ҳолбуки, осмондан тушган томчи қайтмагани сингари у ҳам ҳеч қачон қайтмайди».
Каъбул Ахбор раҳимаҳуллоҳ
Присоединяйтесь к ОК, чтобы посмотреть больше фото, видео и найти новых друзей.
Нет комментариев