Вы ведаеце мяне як сталую беларускую паэтку і журналістку. Але ўчора мяне ўшанавалі на галоўнай сцэне г. Гродна ў якасці лаўрэата конкурса рукапісаў імя Максіма Багдановіча ў намінацыі "Дзіцячая літаратура". Мая кніжка-пераможца мае назву "Прыпынкі дзяўчынкі Літарынкі". Пра яе напішу пазней, як толькі выйдзе ў свет. А пакуль што пра ўзнагароджванне.
Губернатар на сцэне і прыступках са сцэны імкнуўся падтрымліваць менавіта мяне. Вельмі далікатна і галантна, што прыемна. А віншуючы, падзякаваў, што ўдзяліла ўвагу нашым дзеткам, развіццю іх маўлення. Поціск рукі быў прыемны, відаць, доктар былым не бывае.
Прыйшлі падтрымаць дачка і ўнучка. Толькі фоткаць зблізку ля сцэны дачку з яе прафесійным фотаапаратам не пусцілі. Таму зладзілі асобную фотасесію.
А перад тым намеснік старшыні Гродзенскага аддзялення СПБ Дзмітрый Радзівончык папрасіў сабрацца ў нашым пісьменніцкім офісе, каб тэрмінова напісаць пра кніжкі лаўрэатаў у "ЛіМ" .
Присоединяйтесь к ОК, чтобы посмотреть больше фото, видео и найти новых друзей.
Комментарии 40
Не сомневаюсь, что наши дети будут с удовольствием читать новые ваши книжки на роднай мове.Творческого вдохновения вам!