მურაბისათვის
2.5კგ გარგარი (მაგარი, არამწიფე) კურკაგამოცლილი, 2.5 კგ შაქარი, 1ჭ წყალი. გარგარს გამოვაცალოთ კურკა, კუნწის მხრიდან მივაწვეთ ხის ჩხირით და გამოვარება. არ დაირღვევა მთლიანობა..
2ლტ ცივ წყალში გავხსნათ 3სკ სოდა და დავასხათ გარგარს , გავაჩეროთ 3სთ. 15წთ ვრეცხოთ გამდინარე წყალში. შაქარს დავასხათ წყალი მოვადუღოთ სიროფი, რომ ადუღდება მოვაცილოთ ქაფი და ჩავყაროთ დაწრეტილი გარგარი. წამოვადუღოთ 15წთ და გამოვრთოთ. რომ გაცივდება ისევ წამოვადუღოთ 15წთ. გავაციოთ მოვაყაროთ ჩაის კოვზის წვერით ლიმონმჟავა და ისევ ვადუღოთ მზაობამდე დაახლოებით 25წთ. ბოლოს მოვაყაროთ ცოტა ვანილი. ჩავასხათ მშრალ ქილებში ცხელ-ცხელი. ქილას ბოლომდე ნაყოფით ნუ გადავავსებთ თუ გვინდა რომ გარგარი მთლიანები ჩანდეს. დავაკლოთ ქილას ნაყოფი 1/4 და გადავავსოთ სიროფით, შევა გარგარში სითხე და გაბერავს.
კომპოტისათვის
2ლტ ქილაში ჩავყაროთ 1/3 ხილი, 2ჭ (200მლ) შაქარი, 5-6 ცალი კურკაგამოცლილი ალუბალი. გარგარი ცოტა სათუთი ხილია, რომ არ ასკდეს ვაკეთებ ასე. გადავავსოთ წყლით და გავუკეთოთ სტერილიზაცია 15წთ.
ჯემისათვის
4კგ მწიფე გარგარი გავრეცხოთ, გამოვაცალოთ კურკა, ჩავყაროთ თუჯის ქვაბში ვადუღოთ გამანაწილენელზე საშუალო ცეცხლზე, თუ სითხეს მოიყენებს მოვაცილოთ, კარგად რომ მოიხარშება ხელის ბლენდერი გადავატაროთ, მივიღებთ ერთგვაროვანი მასას. დავუმატოთ
2 - 2,3 კგ შაქარი, ვადუღოთ, ხის კოვზით ვურიოთ. ბოლოს მოვაყაროთ ცოტა ვანილი. გადავიტანოთ მშრალ ქილებში.
Присоединяйтесь к ОК, чтобы посмотреть больше фото, видео и найти новых друзей.
Нет комментариев