Предыдущая публикация
_____________Бир қизалоқнинг отаси
у дунёга келмасдан олдин дунёни
тарк этади. Қизнинг тили "ая" деб
чиқади. Кўчадаги болалар
сумкани тўлдириб келаётган
отасининг ёнига чопиб бориб,
"дада" деб эркаланганда унинг
ҳам "дада" дегиси келар, лекин
кимнинг ёнига чопишини
билмасди. Мушфиқ она ота йўқли
гини билдирмасликка уриниб,
қизига ҳам оналик, ҳам оталик
қилди. Ўгай ота барибир
ўгайлигига боради, деб қизини
ўйлаб, турмушга чиқмади.
_______Она-бола доим бирга. Она
қизидан олдин уйқудан уйғониб
нонушта тайёрлар: иккита пиёла,
иккита ликоб, иккита қошиқ
дастурхон устига қўяр, ва нонушта
тайёр бўлганда қизни оҳиста
уйғотар, қиз эса эркаланиб,
онасининг бўйнига осиларди. –
Асалим, нонушта тайёр,
дастурхонга марҳамат.
_____Хўп бўлади, ойижон. Қизалоқ
юз-қўлини ювиб келиб онасининг
қаршисига эмас, ёнига ўтиради. У
эсини танигандан бери шу ҳолат
ҳар куни такрорланади.
_____Бир куни нима бўлди-ю қиз
онасидан олдинроқ уйғонади.
Қараса, онаси ҳамон уйқуда. Етти
яшар қизча онани суюнтиришни
истаб, ўзи нонушта тайёрлашга
тушди. Одатдагидек дастурхонга
иккита пиёла, иккита ликоб,
иккита қошиқ қўйиб, онасини
уйғотгани ётоқхонага кирди. Қуш
уясида кўрганини қилади
деганларидек, онасини оҳиста
уйғота бошлади.
_____Нонушта тайёр, дастурхонга
марҳамат. Онаси уйғонмади.
____Ойи, нонушта тайёр,
дастурхонга марҳамат. Она ҳамон
уйқуда. Қиз эса ҳафсала билан
эринмай:
____Асалим, нонушта тайёр - деб
такрорларди. Она қимирламай
осуда ухлар, бола эса
йиғламсираб:
____Ойижон, туринг, мен ўзим чой
дамлаб қўйдим. Ойижон, илтимос,
уйғонинг,
– деб ялинишга ўтди. Сўнгра
зорланиб йиғлашга тушди. Селдек
кўз ёшлар она юзини юва
бошлади.
____Ойижон, кўзингизни очинг.
Ялинаман, менга бир қаранг. Агар
сизни хафа қилган бўлсам,
кечиринг. Энди эркаланмайман,
ёмонлик қилмайман, ҳамма
айтганингизни сўзсиз бажараман.
Қиз жажжи қўли билан онасининг
нурли юзини сийпалаб, унинг
теппасида узоқ ўтирди. Она эса
кўзини юмганча жим ётарди. Қиз
ён қўшнисини чақириб чиқди.
Катта ёшли жувон ёш
қўшнисининг жони узилганини
пайқаб, қизни бағрига бос ди. У
қизга нима дейишни, қандай
тушинтиришни билмасдан унсиз
йиғлай бошлади. "Онанг ўлди,
энди уйғонмайди, меҳри- бонинг
мангу уйқуга кетибди", дегани
тили бормади. Эртасига маҳалла
эркаклари аёлни тобутга солиб
ҳовлидан олиб чиқиб кетишди.
Бегона эркакларнинг онаси ётган
уйга кираётганини кўрган қиз
аввалига ҳайрон бўлди. "У уйда
онам бор, кирманглар!" – деб
уларнинг йўлини тўсди. Кимдир
"сабр қил, қизим", деса, кимдир
"бечора етимча", деди...
Шундан бери қизни ҳеч ким
нонуштага уйғотмай қўйган.
Шундан бери қиз "ойижон"
дейишни қумсагани қумсаган...
______Ҳа, ҳамманинг ҳам бир куни
бу дунёдан мангу кўз юмиши бор.
"Яхши ётиб туринг, онажон", деб
хуфтондан кейин ўз уйингга
ошиқасан. Тонгда эмас, чошгоҳда
ё тушда она саломига шошмасдан
келганингда, мунисинг аллақачон
жонни топширган бўлади. Шунда
уввос солганча:
_____Манам ғаниматман, манам
кетаман, - деб нечун бир бора
эслатмадингиз?
Онам, онам-а - деб
афсусланишингдан не суд? Энди
бошингни тошга бориб урасанми,
деворга бориб урасанми, фойдаси
йўқ. Кўз ёшинг Оролни тўлдиргани
билан Онангни турғизолмайди.
Следующая публикация
Нет комментариев