Ӑна ҫав уяв ячӗпе ялти культура ҫуртӗнче ӗҫлекен Ирина Макарова пӗчӗк парнепе, Патӑрьел муниципаллӑ округ пуҫлӑхӗ Рудольф Васильевич Селивановӑн хисеп ҫырӑвӗпе хисеп турӗ. Александра Кузьминична утӑ уйӑхӗн 11 мӗшӗнче 1939 ҫулта Тикеш ялӗнче ҫуралса ӳснӗ. Ашшӗ вӑрҫа тухса кайса хыпарсӑр ҫухалнӑ, амӑшӗ пурнӑҫ йывӑрлӑхне чӑтаймасӑр ҫӗре кӗнӗ. Ҫемьери 3 хӗр тӑлӑха юлнӑ. Вӗсене аслашшӗпе асламӑшӗ пӑхса ӳстернӗ. Еншӗк шкулӗнче 8 класс вӗренсе тухса, Патӑрьел педучилищине вӗренме кӗнӗ. 1957 ҫулта хӗр Еншӗк шкулне начальный класс вӗрентӳҫи пулса ӗҫлеме пуҫланӑ. Нумай ачасене вӗрентсе кӑларнӑ маттур вӗрентӳҫ . 1963 ҫулта Саламатов Петр Емельяновичпа ҫемье ҫавӑрса, 2 ывӑла 1 хӗр ҫуратса пурнӑҫ ҫулӗ ҫине тӑратнӑ. Александра Кузьминична Чӑваш Республикин хисеплӗ вӗрентӳҫ , ветеран труда тата нумай хисеп хучӗсене тивӗҫлӗ пулнӑ. Халӗ Александра Кузьминична ывӑлӗн ҫемьинче йӑпанса пурӑнать. Сире эпир ҫак сумлӑ юбилей ячӗпе чун- чӗререн саламлатпӑр!
Присоединяйтесь к ОК, чтобы посмотреть больше фото, видео и найти новых друзей.
Комментарии 14