Սիրելի ժողովուրդ, Աստված վերջերս մի մարգարեի միջոցով ասել է․ (Սա հատված է մարգարեի խոսքից)
«․․․ Եվ ձեր հոգիների թշնամին՝ սատանան կրկին առաջարկելու է նոր և ավելի զորեղ հրապուրանքներ։ Եվ դա նրա զենքն է, որպեսզի հեռացնի իմ ժողովրդին Իմ խոսքից․․․»։
Ահա ես տեսնում եմ, որ իրոք․ 2018 թվականին չինացիները թողարկեցին այսպես կոչված Tik Tok նոր սոց-ցանցը, որը նոր հրապուրանք է երիտասարդության համար։ Ես այսօր մի փոքր ուսումնասիրեցի և հասկացա, որ instagram, facebook, ok, vk և այլ սոց ցանցերի համեմատ սա ավելի հրապուրիչ է և սարսափելի ժամանակատար։ Ավելի հեշտ է օգտվել ու հրապարակել անձնական վիդեոներ և այլն։ Մեզ թվում է սրանք սովորական բաներ են, բայց ոչ։ Դա հենց սարսափն է, որ Երեմիայի մարգարեությունում գրված է այս խոսքերը․ «Որովհետեւ մահը վեր ելավ մեր պատուհանները, մտավ մեր պալատները, որ բնաջինջ անի երեխային փողոցից, երիտասարդներին՝ հրապարակներից»։ (Երեմիա 9։21)
Շատերը կմտածեն, թե այս իմ գրածը ուղղակի հերթական «լայքեր» հավաքելու համար է տեղադրված, բայց իմացիր, որ սա զգուշացում է։ Tik Tok սոց-ցանցով միայն չի սահմանափակվում։ Ավելի սարսափներ են գալու։
Սիրելի ծնողներ, ձեր երեխաները իրենց հեռախոսների մեջ են ներբեռնում ու սկսում են վիդեոներ տեղադրել ու դիտել, որպեսզի արդեն չարաբաստիկ դարձած այդ «լայքերը հավաքեն»։ Նրանց ապագան է խորտակվում։ Սա ավելի լուրջ է քան երբևէ։ Աստված զգուշացնում է, ինչպես զգուշացնում էր Հեղի քահանային իր երեխաների համար։ Աստված առաջարկում է դուրս գալ այդպիսի բաներից, որպեսզի մեզ համար լավ լինի։ Մի՛ եղեք Ղովտի փեսաների պես, որոց համար Ղովտի խոսքերը լոկ կատակ բան էին, բայց երկնքի կրակներից կորան։ Սիրելի երիտասարդ, այս խոսքերը կարդալով մի՛ հեգնիր։ Մի՛ մտածիր, որ ժամանակակից են այդ ամենը ու պիտի ժամանակի հետ քայլենք։ Աստված է որոշում ու տալիս մեզ ժամանակ։ Աստված է օրհնում ժամանակները։ Ես էլ եմ երիտասարդ, բայց ապրում եմ այդպիսի բաներից ազատ։ Ես facebook սոց-ցանցում գրանցվել եմ, ու տեղադրում եմ միայն Աստծո խոսք, ու չունեմ այդպիսի ալիքներ ու էջեր, ինչպիսիք են վերը նշվածները։
Ես տեսնում եմ այսօրվա երեխաների՜ն, Տեր իմ Աստված։ Դուք ուշադրություն դարձրե՞լ եք, ժողովուրդ։ Սթափվել է պետք։ Աշխարհը երբևէ այսպես չեր եղել․․․
Աստվածաշունչն է ժամանակակից, որովհետև ամբողջ մարդկության ժամանակներում կա, եղել է ու կլինի։ Մի՛ դրեք լայք այս նյութի տակ, պետք չի։ Փոխարենը դո՛ւք սթափվեք։ Աստված օգնի և օրհնի ձեզ։
Սա վիճելի թեմա է, բայց հարց տուր ինքդ քեզ սրտիդ մեջ։ Որքան ժամանակ ես կորցնում այս դատարկ զբաղմունքների պատճառով։ Որքան պիղծ բաներ ես տեսնում ու լսում, որոնք փոխում են քո տրամաբանությունն ու տրամադրությունը։ Այս ամենը մտածի, մնացածը պարզ կլինի։ Իսկ եթե զգում ես կախվածություն ու չես կարողանում ազատվել, հավատացնում եմ քեզ, Հիսուսը կարող է քեզ ազատել ու հեռացնել այդպիսի վատ սովորություններից։ Ուղղակի անկեղծ ասա քո սրտում․ Տեր Հիսուս, ես ուզում եմ ազատվել, օգնիր ինձ աղոթել ու հրաժարվել։ Մի փոքր կայծ է պետք քեզանից, որ Հիսուսը գործի։ Հոժարվիր, մի՛ վախեցիր։
Հոգևոր Կյանք
Присоединяйтесь к ОК, чтобы посмотреть больше фото, видео и найти новых друзей.
Нет комментариев