Предыдущая публикация
Юраги чиройли аёлни севинг.
Аёл тақдир дейди, турмишнинг юкин,
Мехрини улашиб яшайди текин,
Юзлари чиройли бўлмасин.. Лекин
Юраги чиройли аёлни севинг..
Боғбони сийласа, ғунчалар кулар,
Кимга ярашмабди? Нозлар, кулгулар,
Лаб четига холни қўндирса бўлар,
Юраги чиройли аёлни севинг..
Аёл бор хаёлга, нурга ўхшаган,
Совуқ қучоқларда титраб қақшаган..
Гудагига караб кузи яшнаган...
Юраги чиройли аёлни севинг..
Ўтмасин хаётин хаёлга осиб,
Мехрини мехрга кўринг муносиб,
Қўлин қадоғига лабингиз босиб..
Юраги чиройли аёлни севинг..
Эътибор уларкан кенг фалакларга,
Нигохи айлансин камалакларга,
Интилмай бир кунлик капалакларга..
Юраги чиройли аёлни севинг..
Аёл бир ожиза.. Сиз-кўнгилпаноҳ,
Эътиборсизликдан туғилар гунох..
Остонангизни-да билган саждагох..
Юраги чиройли аёлни севинг.
Следующая публикация
Нет комментариев