Дурӯя нокасу беаҳди тайёр.
Ба ғайри фитнаандозӣ дурӯя,
Магар дигар надорад баҳри худ кор...
Гаҳе хушгӯиҳо бар мо намояд,
Гаҳе моро ба ғурбат мекунад хор.
Надорам интизорӣ аз дурӯя,
Ки моро зери тӯҳмат мекунад бор.
Худашро ҳамчу дӯсти ҷони гуфта,
Кашад аз қалби мо сад розу асрор.
Вале ифшо намояд рози моро,
Ба дӯстони ба худ монанди бе ор.
Чӣ мегирад зи онҳо насли наврас...
Чу эшон мешавад бешубҳа бемор.
Гуноҳро мекунад бо пардабозӣ,
Туро бар мардумон гӯяд гунаҳкор.
Худоё,аз чӣ кам марди ҳақиқӣ...
Вале номардҳо баҳри чӣ бисёр...
Ба номардӣ агар унвон супоранд,
Навад дар сад ба он гардад сазовор.
Миёни дӯстон шере намонда,
Тамоми дӯст,чун рӯбоҳи айёр.
Ду танга ёфта худро гум намуданд,
Ба айши зиндагӣ сармасту саршор.
Дарахти хуби пурҳосил сараш хам,
Ба боло меравад,аммо сафедор.
Зи пастии хирад болоравиҳо,
Зи ҳастии хирад рафтору гуфтор.
Зи пушти мо чаро ханҷар кашиданд...
Таҳаммул карданӣ ин дард душвор.
Таваккул бар Худо,Маҳкампурӣ кун,
Худо,бошад туро доим нигаҳдор.
✍️ Ҷамшеди Маҳкампур.
Присоединяйтесь к ОК, чтобы посмотреть больше фото, видео и найти новых друзей.
Нет комментариев