Предыдущая публикация
Яңгырда җырлап була,
Яңгырда елап була.
Яңгырда өйдә бикләнеп,
Үткәнне уйлап була.
Яңгырда туңып була,
Дөньядан туеп була.
Яңгырда кораб йөздереп,
Хыяллар үреп була.
Яңгырда китеп була,
Өзелеп көтеп була.
Күлләвек таптап, урамда
Көн озын йөреп була.
Яңгырда кайтып була,
Кайтмыйча калып була.
Якыннарыңны сагынып,
Саргаеп ятып була.
Яңгырда бар да була...
Ә яңгыр явып тора.
Яңгырлар явып үткәчтен,
Кояшын көтә дөнья.
Булат ИБРАҺИМ.
Казан.
Присоединяйтесь к ОК, чтобы посмотреть больше фото, видео и найти новых друзей.
Комментарии 3