Предыдущая публикация
Рецепты татарские\Татар рецептлары - ТӘМЛЕ
ЛИМОН БӘЛЕШЕ
Кирәк:
* 1 стакан сөт;
* 1 аш кашыгы чүпрә;
* 1 аш кашыгы шикәр комы;
* 100 г атланмай;
* тоз;
* 1 йомырка;
* он
Эчлек өчен:
* 1 лимон;
* 2 апельсин (иттарткыч аша чыгарабыз);
* тәменчә шикәр комы.
Лимон белән апельсинның кабыгы юка булса эчлек сыеграк була.
Эш барышы:
Бисмилләһир-рахмәәнир-рахииим.
Камыр басабыз. Камырны берсе зуррак, калган өчесе бер үк зурлыкта булырлык итеп, 4 өлешкә бүлдем.
Табаны майлап, камырны табага җәеп салдым, аннан эчлекне сыладым.
Тагын кечерәк, юка итеп камыр җәйдем, шулай ике тапкыр кабатлап эшләдем.
Кырыйларын матурлап бизәкләп, духовкага пешәргә куйдым. 40-45 минуттан соң пирог әзер.
Чәйләрегез тәмле булсын.
(Соембикэ журналыннан Эльмира Нигъмэтжанова рецепты)
Следующая публикация
Нет комментариев