Предыдущая публикация
Яна бир саҳарлик, гўзал тонг отди,
Хўрозлар севинчдан хандалар отди,
Рамазон юзлардан ўпиб уйғотди,
Яратган Эгамга шукрлар бўлсин!
Қаранг, соатларнинг бонгги бошқача,
Юракнинг уруши, онгги бошқача,
Гўзал Рамазоннинг тонги бошқача,
Яратган Эгамга шукрлар бўлсин!
Қаранг бу биз учун ҳиммат эммасми,
Мўминга эҳтиром, ҳурмат эмасми,
Рамазонга етиш жаннат эмасми,
Яратган Эгамга шукрлар бўлсин!
Керакмас ҳаётдан ўксиниб,нолиш,
Ўткинчи ғамларни юракка олиш,
Нолисак гуноҳдир, Аллоҳдан ҳар иш,
Яратган Эгамга шукрлар бўлсин!
Кўзларим шу тонгни кўргани учун,
Юрагим тўхтамай ургани учун,
Яна бир қутлуғ кун бергани учун,
Аллоҳим ўзинга шукрлар бўлсин!
Следующая публикация
Нет комментариев