Чақалоқ йиғлаб қолганда намозни қисқароқ ўқиш хусусида
Абу Қатода ривоят қиладилар: “Расулуллоҳ саллаллоҳу алайҳи ва саллам: «Мен намозни узунроқ қилиб ўқишни бошлаганимда, чақалоқ йиғлаб қолса, онасига оғир тушмасин деб, қисқароқ ўқийман», - деган эканлар”.
Анас ибн Молик разияллоҳу анҳу нақл қиладилар: «Расулуллоҳ саллаллоҳу алайҳи ва салламдан кўра намозни қисқароқ ва мукаммалроқ ўқийдиган бирорта одамни учратмадим. Расулуллоҳ саллаллоҳу алайҳи ва саллам чақалоқ йиғисини эшитиб, онасига қийин бўлмасин деб, намозни қисқароқ ўқир эдилар».
Анас разияллоҳу анҳу ривоят қиладилар: “Расулуллоҳ саллаллоҳу алайҳи ва саллам: «Мен намозни узунроқ ўқимоқчи бўлиб бошлайману, аммо чақалоқнинг йиғисини эшитиб, онасига оғир бўлмасин деб, қисқартираман», - деган эканлар”.
Анас разияллоҳу анҳу нақл қиладилар: “Расулуллоҳ саллаллоҳу алайҳи ва саллам: «Мен, намозни узунроқ ўқийман, деганимда чақалоқнинг йиғисини эшитиб қоламан. Шунда ўнинг онасига оғир тушишини фаҳмлаб, намозни енгиллатаман», - деган эканлар”.
Анас разияллоҳу анҳу ривоят қиладилар: “Расулуллоҳ саллаллоҳу алайҳи ва саллам: «Мен намозни узунроқ ўқимоқчи бўлиб бошлайману, аммо бола йиғисини эшитиб қолиб, унинг онаси азият чекишини ўйлаб, енгиллатаман», - деган эканлар”. https://play.google.com/store/apps/details?id=sj.muslim.app
Присоединяйтесь к ОК, чтобы посмотреть больше фото, видео и найти новых друзей.
Нет комментариев