ОНАМ.......
Сочларимни шамол ўйнаса,
Сизми дея, излаб қоламан.
Жоним Онам, дийдор қийнаса,
Ҳар кўчада, бўзлаб толаман !
Бир боргина кўрининг, Она,
Сизга айтар гапларим кўпдир.
Мен чарчадим, енгилдим яна,
Суянгани, бардошим йўқдир !
Дунё гўё, бўм-бўшга ўхшар,
Дил очгани хасраткашим йўқ.
Энди ҳар ким ўзича яшар,
Тушунгувчи бир дилкашим йўқ !
Бу дунёни баланд пастини,
Қандай енгиб ўтгансиз Она.
Ёлғонларнинг асл ростини,
Қай йўлларда, кутгансиз Она !
Мен адашдим, сизсиз Онажон,
Қўлларингиз тутгим келяпди.
Нега бунча ачишар бу жон,
Ёнингизга кетгим келяпди !
Бу ерларда сизсиз қувонч йўқ,
Лаблар бору, лек кулолмадим.
Гургутчалик битта, олов йўқ,
Шамдек қотдим, лек ёнолмадим !
Қанча қучмай сабр, чидамни,
Жудоликка кўнмадим, Она.
Бугун эзиб, қонсиз ярамни,
Яна сизни, соғиндим Она !
Гул Баҳор. 30.09.2019.Москва .
Присоединяйтесь к ОК, чтобы посмотреть больше фото, видео и найти новых друзей.
Комментарии 345