Предыдущая публикация
Çılə şəv (40ə)
Çılə şəv, pozə şəve,
Sori dırozə şəve.
Bənə co ironıjon
Qırdə bedən tolışon.
Bə maştə şəvnışt bedə,
Ta çılə şəv arşedə.
Im şəv voə voyədə,
Bedən ve şoy-voyədə.
Tıvostoniku qətdən
Zımıstoni oğətdən
Okardən dastəxoni,
Bırındən zımıstoni.
Çılımə, vizə xəvlo,
Paxlava, həmən əno.
Həşiqardışi donə,
Vardedən bə miyonə.
Nozık əpatin inon,
Bo pəvəndiyə kinon
Çılə baxşə əğandin
İyən bə yod dəğandin
Həm nuə kəxıvandon
Orzu əkəyn ovandon.
Ujənən ım odəton,
Bəben çımibəçəton.
Çılə şəv çəmə ide,
Bə şəri, sardi zide.
Zımıstonon rə beşo,
Həşi evəto hejo.
Məkəşən ruzi dardi,
Şo bu ha şəhər, har di.
Jimonımon şin bıbu,
Çəşonmon ruşin bıbu!
Mirfayaz Likməkani
15-12-2022 https://youtu.be/xChdbPiiVyA?si=YWGr7bYY3wBqchRN #çıləşəv #shabeyalda
Следующая публикация
Нет комментариев