✍🏼 Твор напісаны на аснове фактаў з жыцця сям'і Купалы: князі выгналі з зямлі продкаў паэта. Дзед Купалы доўга судзіўся і быў вымушаны з сям’ёй пакінуць сядзібу і выправіцца ў свет у пошуках заробку.
Пiсьменнiк паказаў цяжкі шлях беларускага сялянства ў пошуках бацькаўшчыны, зямлі і волі.
📖 У цэнтры п'есы сям'я Зяблікаў. Лявон Зяблік амаль 5 гадоў судзіцца з панічом за кавалак зямлі і хату.
«Чалавек з зямлёй зрастаецца, як гэта дрэва: ссячы дрэўца — засохне, адбяры ў чалавека зямлю — згіне», — такі асноўны жыццёвы прынцып героя п'есы.
Жонка Лявона Марыля пасля смерці мужа не ведае, дзе шукаць паратунку, як накарміць і абагрэць дзяцей. Спрабуе ўгаварыць Сымона пайсці на службу да паніча, але Сымон адмаўляецца ад прапановы.
👉🏼 Сымон — свабодалюбівы i моцны духам чалавек, здольны абараніць сваю чалавечую годнасць i заступіцца за іншых.
Спачатку ён спадзяецца на справядлівасць суда і законаў. Прымірыцца з панічом для Сымона — гэта здрада.
Шлях да дзейснай барацьбы Сымон адшукаў не адразу. Сымон пачынае задумвацца над сэнсам бацькавых слоў «трэба розумам ваяваць, а не тапаром». Пад уплывам перажытага погляды галоўнага героя драмы мяняюцца: «I я розумам буду ваяваць і другіх вучыць да гэтае вайны. Годзе крыўды, годзе няпраўды!»
На прыкладзе Сымона Купала паказаў працэс абуджэння нацыянальнай свядомасці беларускіх сялян, пошукі імі шляхоў да вызвалення.
Будзем рады, калі вы падзеліцеся сваімі думакамі пра гэты твор ў каментарыях!
Крыніца: Васючэнка, П. Драматургічная спадчына Янкі Купалы. Вопыт сучаснага прачытання. — Мн., 1994.
Присоединяйтесь к ОК, чтобы посмотреть больше фото, видео и найти новых друзей.
Нет комментариев