Еллар үткән саен уйланабыз,
Ник сизелми еллар узганы.
Салмаклана гына тизлегебез,
Басыла төшә юллар тузаны.
Басылмасын әле юл тузаны,
Өзелмәсен барыр юлыбыз.
Бәхет белән шатлыкларда үтсен ,
Тыныч булып яшәр елыбыз.
*****************************
Сагынмыйча яшәп буламы соң,
Сагынудан туа сагышы.
Сагынулардан,сагышлардан тора,
Һәркемнең дә гомер агышы.
****************************
Ни әйтсәң дә,күңелле бит яшәү,
Шатлык,бәхет тула күңелгә.
Яшәвемнең татлы минутлары
Үтмәсеннәр иде гомергә.
*****************************
Сөю бит ул,саклый белсәң генә
Маяк булып юлны яктырта.
Саклый белмәгәндә, сүрелә дә,
Кисәү булып җанны ялкыта.
***************************,
Мактанмыйк әле бүген дип,
Иртәгәсен кем белә?
Шатлык,кайгыларны Ходай,
Тик үзе генә бүлә.
**********************************8
Присоединяйтесь к ОК, чтобы посмотреть больше фото, видео и найти новых друзей.
Комментарии 8