Предыдущая публикация
Баш эшләми, башта томан,
Аңлата алмаслык хәл.
Әллә, бу дөньяның арты,
Без яшәгән,әллә,ал?
Кулга бер эше дә бармый,
Тамакка ризык үтми.
Сөйләшәсе ,хәттә, килми,
Нәрсәдер,кемдер җитми.
Елыйсы килеп тик тора,
Яшь кенә ,әллә, кипте,
Күзләремнән яшем чыкмый,
Сагыш барын да өтте.
Ятам-торам,торам-ятам,
Бу хәл, берәр, үтәрме?
Аңны томалаган томан,
Таралырмы, бетәрме?
Гел генә җебеп тә булмый,
Яшәп китергә иде.
Сагыш төрелгән йомгакны
Тиз(е)рәк сүтергә иде.
Балалар бар, оныклар бар,
Мин бит аларга кирәк.
Алар диеп яшим әзрәк,
Түз син яралы йөрәк!
Фирдәт Вәлиев. Иске Теләүле.
11.07.2024.
Присоединяйтесь к ОК, чтобы посмотреть больше фото, видео и найти новых друзей.
Комментарии 13
Кояш сүнгән булып тоела.
Өзгәләнгән йөрәк әрнүләре
Күз яшьләре булып коела...
Ахыр тынлык кала.Бушлык
бар тәнеңне баса.Тулаем.
Шул халәттән исән чыгар өчен,
Сабырлыклар бирче, Ходаем!
Бирсен Ходай Сезгә сабырлык һәм түземлек.