Предыдущая публикация
29.
02.2024.тӱш 11ч.10м.
Јайаан бу бичигин албатызына бичидип јат.
Алтай албатымды кӧрӱп кайкайдым.
Недеҥ де коркубас,
Нени де керектебес,
Кал албаты болуп јӱредер.
Бой-бойорго кезерлер болодор,
Уйалып, кемзинерер де јоголды.
Бой-бойорго кӱлӱксип турадар,
Эмдиги албатыныҥ кылык-јаҥы ӧскӧрип калды.
Ӧбӧкӧлӧрдиҥ ӧйинде болгон,
Албатыныҥ кемин тӱжӱрип салдар.
Мынайып барзаар,
Алтай адар јоголып калар.
Ӧскӧ укту албаты,
Алтайарды бийлеп алар.
Бу толу берилген јылга,
Ӱзе аайлап бери,
Алтай Ак Јаҥарден эбирбезер,
Јоголып каларар.
Ол тушта тӧжӧӧр сабаанып,
Базып болбозор.
Артып калганар, јалчы болорор.
Кудай кезедӱ ле кату коркудып,
Бичигин бичидип туру деп,
Каткырыжып тилденбеер.
Токтой тӱжӱп, эбире кӧрӱп ийзер,
Алтайар кандый болуп, барып јатканын.
Алтайарда ээзи болуп,
Тырмакча ла артып калдаар.
Ӱзе туразынаҥ келгендери кирип алды.
Алтайарга эмди база канай шоодып, тилденереер.
Ак јаҥдулар деп,
Канча јылдарга не ле болдоор?
Бойордыйы кайда???
Алтайарды кӧдӱрип,
Чектеп, коруп алганар???
Ӱзе сабарларардыҥ ӧзӧгинеҥ ӧткӱрип,
Јок эдип салдаар.
Аайлагар, албатым..
Јамандап, јабарлап турган Кудайаар,
База ла толу јыл берди,
Албатызын килееп.
Ӱзе текши албаты јаман кылык кылынбайт.
Тӱҥей ле ортозында аайлу-баштулары бар не?
Оны кӧрӱп,
Кудай калганчы толу јылын берип салды.
Эмди албатыныҥ бойынаҥ камаанду болор.
Аргаданып, ойто эбирип келер јерер -
Тагылдарда болор, албатым.
АЛТАЙ АК ЈАҤАРДЫ алынган кийнинде,
АЛТАЙАРДЫ КОРУП АЛАРАР.
Јайаан бу бичигин албатызына бичидет.
Баш болзын. Баш болзын.
Следующая публикация
Нет комментариев